| e-texts navigator |
| Wylie |
285a1 ལྡན་ནི།། ནམ་མཁའི་བློ་ལ་ཉི་ཟླའི་སེམས།། དར་དཀར་རྒྱུད་ལ་རི་བོའི་བློ།། རལ་གྲིའི་ཤེས་རབ་རྒྱ་མཚོའི་ཐུགས།། བླ་མ་ལ་གུས་སྙིང་རྗེ་ཆེ།། དམ་ཚིག་གཞུང་བསྲུང་རྣམ་སྨིན་འཛེམ།། ཆགས་པ
285a2 ཆུང་ལ་གཏོང་ཕོད་ཆེ།། མན་ངག་གསང་ཐུབ་སྤྱོད་ལམ་ཡངས།། དེ་ལྟ་བུ་ལ་རྒྱུད་འདི་གཏད།། རྒྱུད་ངན་ང་རྒྱལ་དམ་ཚིག་མེད།། ཆེ་ངག་དགེ་སློང་གྲོགས་མཆེད་བསླུ།། ཁ་གསགས་གཡོ་སྤུ་ཐབས་ཀྱིས་བྲིད།། མི
285a3 འཆང་ཟོང་འཚོང་ལོག་ལྷ་སྐྱེན།། ཁྲེལ་མེད་གཡོ་སྤུའི་འབྲེལ་བ་ལ།། ཡུལ་མངའ་སྟེར་ཡང་མ་སྦྱིན་ཅིག། དེ་ལྟ་བུ་ལ་ཕྱིན་གྱུར་ན། གཉིས་ཀ་དམྱལ་བར་སྐྱེ་བར་འགྱུར། ཞེས་སྣོད་ཀྱི་ཁྱད་པར་གྱི་རིམ་པ་བསྟན་པ་སྟེ།
285a4 ལེའུ་ཉི་ཤུ་པའོ།། །། སྙིང་པོ་བཅུད་སྤུངས་ནམ་མཁའ་ཀློང་ཡངས་ཀྱི་རྒྱུད་རྫོགས་སོ།། །། ཨུ་རྒྱན་གུ་རུ་པདྨས་བཤད། ལོ་ཙཱ་བ་སྐ་བ་དཔལ་བརྩེགས་ཀྱིས་བསྐུར་ཞིང་ཞུས་ནས་གཏན་ལ་ཕབ་པ
285a5 ཁྲི་སྲོང་ལྡེའུ་བཙན་ལ་གཏད། སྤེལ་བའི་གནས་མེད་གཏེར་དུ་སྦས།། གཏེར་རྒྱ། ཟབ་རྒྱ།། སྦས་རྒྱ།།
iiif viewer powered by OpenSeadragon
