| e-texts navigator |
| Wylie |
284a1 དག་བློ་ལས་འདས་པས་འབྲས་བུའི་ཀློང་ཡངས་སོ།། གཡོ་འགུལ་དྲན་རྟོག་མི་འགྱུ་དགོངས་པའི་ཀློང་ཡངས་སོ།། དབྱེ་བསལ་མེད་པ་ཤེས་རབ་ཀློང་ཡངས་སོ།། བསྲུང་བ་མེད་པས་དམ་ཚིག་ཀློང
284a2 ཡངས་སོ།། བྱ་རྩོལ་མེད་པ་ཕྲིན་ལས་ཀློང་ཡངས་སོ།། སྤྱད་དུ་མེད་པ་ས་ཡི་ཀློང་ཡངས་སོ།། བགྲོད་དུ་མེད་པ་ལམ་གྱི་ཀློང་ཡངས་སོ།། ཆོས་རྣམས་དབྱེར་མེད་སྙིང་པོའི་ཀློང་ཡངས་སོ།། ཐོག་མ་མེད་ནས་ཐ་མ་ད
284a3 ལྷལྟའི་བར།། དངོས་མེད་རྣལ་མར་རྒྱུན་དུ་གནས་པའི་ཕྱིར།། ཀ་དག་འགྱུར་བ་མེད་པའི་རྒྱུད།། རང་བཞིན་དང་དུ་གནས་པའི་ཕྱིར།། ཡེ་ཤེས་རྒྱུན་ཆད་མེད་པའི་རྒྱུད།། ཀ་དག་འགྱུར་བ་མེད་པའི་ཕྱིར།། དུས་གསུམ
284a4 ཀུན་ཏུ་འཕོ་འགྱུར་མེད་པའི་རྒྱུད།། དེ་ཕྱིར་སྙིང་པོ་བཅུད་སྤུངས་ནམ་མཁའ་ཀློང་ཡངས་སོ།། ཞེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། རྒྱུད་ཀྱི་མཚན་བསྟན་པའི་ལེའུ་སྟེ་བཅོ་བརྒྱད
284a5 པའོ།། །། དེ་ནས་རྡོ་རྗེ་སེམས་དཔའ་ཡིས།། སྟོན་པ་གསང་བའི་བདག་པོ་ལ།། ཐེག་པ་བརྒྱད་ཁྲི་བཞི་སྟོང་གང་དུ་འདུས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྠི་ཏི་ཡོ་གའི་ཐེག་པ
284a6 རུ།། ཐེག་ཆོས་བརྒྱད་ཁྲི་བཞི་སྟོང་འདུས།། མི་འགེག་མི་སྤྱོད་མ་བསྒྱུར་བར།། ཆོས་སྡེ་བརྒྱད་ཁྲི་བཞི་སྟོང་འདུས།། གཟུང་འཛིན་རྟེན་འབྲེལ་ཡུལ་སེམས་དང་།། བདེན་གཉིས་མེད་པས་མཚན་ཉིད
iiif viewer powered by OpenSeadragon
