| e-texts navigator |
| Wylie |
283b1 པོ་ཀ་དག་དཔེ་མེད་ཀྱང་།། འཁོར་གྱི་རྟོག་པ་བསལ་ཕྱིར་དཔེ་ཡིས་བསྟན།། འཁོར་རྣམས་མ་ཡེངས་གུས་པར་ཉོན།། སེམས་ཀྱི་དཔེ་ནི་ནམ་མཁའ་བསྟན།། ནམ་མཁའ་མཚོན་པ་ཀུན་དང་བྲལ།། ནམ་ནི་སྐྱེ་བ་མེད
283b2 པ་ཡིན།། མཁའ་ནི་འགག་པ་མེད་པ་ཡིན།། སྐྱེ་འགག་གཉིས་སུ་མེད་པ་དེ།། སྙིང་པོ་ཆོས་ཉིད་ཀློང་དུ་འདུས།། ནམ་མཁའ་ཕྱོགས་རིས་ཀུན་དང་བྲལ།། ནམ་མཁའ་ཞེས་ནི་མཚོན་པ་ཡང་།། མ་རྟོགས་བློ་ལ་མཚོན
283b3 པ་ཡིན།། ནམ་མཁའ་ཐ་སྙད་ཀུན་དང་བྲལ།། སྐྱེ་མ་མྱོང་ལ་འགག་མ་མྱོང་།། གཉིས་སུ་མ་ཆད་གཅིག་མ་མྱོང་།། མཚོན་དུ་མེད་པས་མཚོན་ལས་འདས།། སྣང་མེད་མི་སྣང་བ་ལས་འདས།། མིང་འདོགས་མེད་པས
283b4 བཏགས་ཆགས་འདས།། མིང་མེད་ཚིག་ཏུ་བརྗོད་ལས་འདས།། ནམ་མཁའ་དེ་ནི་བསྐལ་པ་ནས།། བསྐལ་པའི་བར་དུ་ཡོད་མ་མྱོང་།། མེད་མ་མྱོང་ལ་སྟོང་མ་མྱོང་།། སྣང་མ་མྱོང་ལ་གསལ་མ་མྱོང་།། བཟང་ངན
283b5 བདེ་དང་སྡུག་མ་མྱོང་།། འཁྲུལ་དང་འཁོར་དང་རྒྱས་མ་མྱོང་།། མི་རྒྱས་མ་མྱོང་ནམ་མཁའ་ནི།། ཁ་དོག་ཕྱོགས་མཚམས་བརྗོད་ལས་འདས།། དེ་བཞིན་སེམས་ཉིད་ཀ་དག་སྟེ།། ཐ་སྙད་མཚོན་ཚིག་བློ་ལས
283b6 འདས།། ཀློངས་ཡངས་ཞེས་བྱའི་དཔེ་ཡིས་ནི།། ཞེ་འདོད་རྟེན་མེད་བལྟ་བའི་ཀློང་ཡངས་སོ།། ཡིད་རིག་གང་ལའང་མི་རྟོག་བསྒོམ་པའི་ཀློང་ཡངས་སོ།། སྣ་ཚོགས་ཡུལ་ལ་མ་ཆགས་སྤྱོད་པའི་ཀློང་ཡངས་སོ།། ཀ
iiif viewer powered by OpenSeadragon
