| e-texts navigator |
| Wylie |
283a1 ལས། མདོ་དོན་གཅིག་ཏུ་འདུས་པར་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། སྟོན་པ་གསང་བདག་ཆེན་པོ་ལ།། སྙིང་པོ་བཅུད་ནི་གང་དུ་སྤུངས།། ཞེས་ཞུས
283a2 པ་དང་། སྟོན་པས་འཁོར་ལ་བཀའ་སྩལ་པ།། མཁའ་དབྱིངས་རྣམ་དག་འོད་གསལ་ཀློང་ཆེན་དུ།། རང་བྱུང་རྩལ་ཟེར་ཡན་ལག་མ་ལུས་སྤུངས།། ཀ་དག་དངོས་མེད་ཟང་ཀ་ཆེན་པོ་རུ།། སྣང་སྲིད་འཁོར་འདས་ཡོད
283a3 མེད་རྟག་ཆད་སྤུངས།། ཡེ་གདངས་གསལ་ལ་དངས་པའི་ཀློང་ཆེན་དུ།། རང་བྱུང་ངང་དངས་ཆེན་པོར་བཅུད་སྤུངས་སོ།། སྙིང་པོ་ཆོས་ཉིད་ཀུན་གཞིའི་ཀློང་ཡངས་སུ།། རྩལ་ཟེར་སྣ་ཚོགས་མ་འགགས་བཅུད་སྐྲངས
283a4 སོ།། རང་བྱུང་རང་སར་བརླག་པས་བཅུད་སྤུངས་སོ།། རང་དངས་རང་སངས་ཆེན་པོར་བཅུད་སྤུངས་སོ།། ཡིད་སེམས་གང་ལ་འཛིན་མེད་བཅུད་སྤུངས་སོ།། ཀ་དག་ཟང་ཀ་ཆེན་པོར་བཅུད་སྤུངས་སོ།། ཤེས་རིག
283a5 གང་ལའང་མི་འཇུག་བཅུད་སྤུངས་སོ།། ཡིད་གཉིས་རྩད་ཆོད་གཟུང་འཛིན་གཉིས་མེད་བཅུད་སྤུངས་སོ།། ཞེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། སྙིང་པོའི་བཅུད་སྤུངས་བསྟན་པའི་ལེའུ་སྟེ་བཅུ
283a6 བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། སྟོན་པ་གསང་བདག་ཆེན་པོ་ལ།། ནམ་མཁའ་ཀློང་ཡངས་དཔེ་ཡིས་ཇི་ལྟར་བསྟན།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང
iiif viewer powered by OpenSeadragon
