| e-texts navigator |
| Wylie |
282b1 འཛིན་རྟོག་མེད།། མ་ལུས་རིལ་པོ་བློ་ལས་འདས།། སངས་རྒྱས་ཀ་དག་དངོས་མེད་པས།། གཞན་རྣམས་མེད་པར་ལ་བཟླའོ།། སངས་རྒྱས་སྐུ་དང་ཡེ་ཤེས་མེད།། སེམས་ཅན་ལུས་དང་བག་ཆགས་མེད།། སྐུ་ལྔ
282b2 རིགས་ལྔ་དུག་ལྔ་མེད།། འཁོར་བ་མྱང་འདས་བྱང་ཆུབ་མེད།། འཁོར་བའི་ཆོས་ལ་ལྟ་ཅི་སྨོས།། བལྟ་བསྒོམ་སྤྱོད་པ་འབྲས་བུ་དང་།། འདུལ་སྡོམ་བསླབ་པ་དམ་ཚིག་མེད།། ཕར་ཕྱིན་ལམ་ལྔས་བཅུ་མེད།། ཐམས
282b3 ཅད་དངོས་མེད་ཟང་ཀར་བཟླ།། ཞེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། ཐམས་ཅད་ལ་བཟླ་བའི་ལེའུ་སྟེ་བཅོ་ལྔ་པའོ།། ། དེ་ནས་རྡོ་རྗེ་སེམས་དཔའ་ཡིས།། སྟོན་པ་གསང
282b4 བདག་ཆེན་པོ་ལ།། མདོ་དོན་གཅིག་ཏུ་ཇི་ལྟར་བསྡུ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། མ་ཕྱེ་མ་བཀོལ་སྙིང་པོའི་ཀློང་།། སྣང་བརྟག་བཟུང་ཞེན་ཇི་སྙེད་ཀུན།། སྙིང་པོ་ཆོས་ཉིད་ཀློང་དུ
282b5 འདུས།། དངོས་པོ་ཐམས་ཅད་དངོས་མེད་ཀློང་དུ་འདུས།། སྣང་སྲིད་འཁོར་འདས་གཉིས་མེད་ཀློང་དུ་འདུས།། མཚོན་བརྗོད་བཏག་ཆགས་མཚོན་མེད་ཀློང་དུ་འདུས།། བལྟ་བསྒོམ་གྲུབ་མཐའ་བློ་འདས་ངང་དུ
282b6 འདུས།། ཚིག་ཚོགས་རྒྱ་མཚོ་བརྗོད་མེད་གཅིག་ཏུ་འདུས།། འབྲས་བུ་ཐམས་ཅད་ཀ་དག་གཅིག་ཏུ་འདུས།། དགོངས་པ་བརྒྱད་ཁྲི་བསམ་འདས་ངང་དུ་འདུས།། ཞེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད
iiif viewer powered by OpenSeadragon
