| e-texts navigator |
| Wylie |
282a1 གདམས་པ་གསུམ་དུ་བཤད།། ཆོས་རྣམས་བོར་བས་ཀ་དག་རྟོགས།། སེམས་ཅན་ལས་འདས་དངོས་མེད་རྟོགས།། སྣ་ཚོགས་མིང་མེད་བློ་འདས་རྟོགས།། ཞེས་གསུངས་སོ།། ནམ་མཁའ་ཀློང་ཡངས
282a2 ཀྱི་རྒྱུད་ལས།། གོ་ལྡོག་རྟོགས་པར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། དུག་ལྔ་སྔ་ལོག་ཇི་ལྟར་འགྱུར།། ཞེས་ཞུས་པས། སྟོན
282a3 པས་འཁོར་ལ་བཀའ་སྩལ་པ།། དུག་ལྔ་སྔ་ལོག་སྐུ་ལྔར་འགྱུར།། གཏི་མུག་སྔ་ལོག་ཆོས་སྐུར་འགྱུར།། ཞེ་སྡང་སྔ་ལོག་ལོངས་སྐུར་འགྱུར།། འདོད་ཆགས་སྔ་ལོག་སྦྲུལ་སྐུར་འགྱུར།། ང་རྒྱལ་སྔ་ལོག་དབྱེར་མེད
282a4 སྒྲ།། ཕྲག་དོག་རྫ་ལོག་བརྗོད་མེད་སྐུ།། དུག་ལྔ་རྫ་ལོག་སྤུ་ལྔར་འགྱུར།། ཞེས་གསུངས་སོ།། ནམ་མཁའ་ཀློངས་ཡངས་ཀྱི་རྒྱུད་ལས། དུག་ལྔ་རྫ་ལོག་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ
282a5 སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། ཐམས་ཅད་ལ་ནི་གང་དུ་བཟླ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སྙིང་པོ་ཆོས་དབྱིངས་ཀློང་ཡངས་སུ།། མ་འགགས་རྩལ་ཟེར་ཇི
282a6 སྙེད་པ།། མ་ལུས་འུབ་ཆུབ་སྙིང་པོར་བཟླ།། ཀ་དག་ཟང་ཀ་དངོས་མེད་དུ།། སྣང་སྲིད་འཁོར་འདས་རྟག་ཆད་རྣམས།། ཐམས་ཅད་ཐམས་ཅད་ཇི་སྙེད་ལ།། གང་ལ་མི་འགྱུར་རྩིས་གདབ་མེད།། ཡིད་སེམས་བློ་ཡི
iiif viewer powered by OpenSeadragon
