| e-texts navigator |
| Wylie |
281b1 གཅིག་རྟོགས་ན།། ལྟ་སྒོམ་སྤྱོད་འབྲས་མིང་ཡང་མེད།། ཅེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། དངོས་མེད་རྟོགས་ན་བལྟ་བསྒོམ་སྤྱོད་འབྲས་མི་དགོས་པར་བསྟན་པའི་ལེའུ་སྟེ་བཅུ་གཅིག
281b2 པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། ཆོས་རྣམས་གོ་ལྡོག་ཇི་ལྟར་ཟློག། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཆོས་རྣམས་གོ་ལྡོག་མ
281b3 བཤད་ན།། ཀ་དག་སངས་རྒྱས་ག་ལ་འཐོབ།། དེས་ན་ཆོས་རྣམས་གོ་ལྡོག་བཤད།། འཁོར་རྣམས་མ་ཡེངས་གུས་པར་ཉོན།། སྙིང་པོ་བཅུད་སྤུངས་ཀློང་ཡངས་སུ།། རྩལ་ཟེར་མ་འགགས་གོ་ལྡོག་ལ།། སྣང་སྲིད
281b4 འཁོར་འདས་འུབ་ཆུབ་བོ།། ངོ་འཕྲད་དབྱེར་མེད་ཀ་དག་གྲོལ།། དགུ་རྩེ་སྤྲི་ཏིའི་གོ་ལྡོག་ནི།། ཐེག་པའི་ཆོས་རྣམས་གོ་ལྡོག་ལ།། ཆོས་ལས་འདས་པས་ཀ་དག་རྟོགས།། གཞན་དག་འཁྲུལ་གཞི་ཀུན་གཞིར
281b5 འདོད།། ཀུན་གཞི་གོ་ལྡོག་ཀླུང་ཡིན་ནོ།། འཁྲུལ་རྒྱུ་མ་རིག་ཡིན་པར་འདོད།། མ་རིག་གོ་ལྡོག་རིག་པ་ཡིན།། དུག་གསུམ་གོ་ལྡོག་སྐུ་གསུམ་ཡིན།། མུན་པ་གོ་ལྡོག་གསལ་དག་རྟོགས།། འཁྲུལ་པ་གོ་ལྡོག་འཆར་སྒོ
281b6 རྟོགས།། མ་རིག་གོ་ལྡོག་ཀ་དག་རྟོགས།། འཁྲུལ་སྣང་གོ་ལྡོག་འོད་སྣང་རྟོགས།། རྩད་གཅོད་རང་གྲོལ་རང་སངས་རྟོགས།། སེམས་ཅན་གོ་ལྡོག་སངས་རྒྱས་རྟོགས།། འཁོར་བ་གོ་ལྡོག་མྱང་འདས་རྟོགས།། གོ་ལྡོག
iiif viewer powered by OpenSeadragon
