| e-texts navigator |
| Wylie |
281a1 བདེ་ཆེན་ཀློང་དུ་ཉལ། ནོར་གྱི་དབྱིག་རྙེད་ཟད་མེད་གཏེར་ལ་སྤྱོད། ཀ་དག་དོན་རྟོགས་འགྲོ་དྲུག་གཡང་ས་གཅད། དངོས་མེད་གདེང་རྙེད་སངས་རྒྱས་འཁོར་བ་མེད། རང་སར་རང་གྲོལ་ཆགས་སྡང
281a2 མིང་ཡང་མེད། ཡུལ་སེམས་གཟུང་འཛིན་དགག་བསྒྲུབ་དབྱེ་བསལ་མེད།། དགྲ་གཉེན་ཕྱོགས་རིས་སྤང་ལེན་རྩིས་གདབ་མེད།། དུག་ལྔ་རྩད་གཅད་འཁོར་བའི་མིང་ཡང་མེད།། ཞེ་འདོད་བྱ་བཙལ་རྩད་གཅད
281a3 འབད་རྩོལ་མེད།། ཅེས་གསུངས་སོ།། ཡེ་ཤེས་འཆར་སྒོ་བརྡར་བསྟན་པའོ།། ནམ་མཁའ་ཀློང་ཡངས་ཀྱི་རྒྱུད་ལས། གསང་སྔགས་བརྡས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་རྡོ་རྗེ་སེམས
281a4 དཔའ་ཡིས།། གསང་བའི་བདག་པོ་ལ་ཞུས་པ།། དངོས་མེད་རྣམ་རྟོག་ལྟ་སྒོམ་མི་འཚལ་ལམ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དངོས་མེད་ཀ་དག་རྟོགས་པ་ན།། ལྷ་སྒོམ་སྤྱོད་འབྲས་བློ
281a5 ཡི་ཡུལ།། ཞེ་འདོད་བསམ་དཔྱད་ཡིད་སྨོན་མེད།། ཀ་དག་དངོས་མེད་རྣལ་མ་སྒྲུབ་མེད་བློ་ལས་འདས།། ཀ་དག་ཚིག་མེད་རྟེན་མེད་ལ།། ཞེ་འདོད་ཕྱོགས་ཆའི་བལྟ་བ་མེད།། དངོས་མེད་འགྱུར་མེད་རྟོག་མེད
281a6 ལ།། འགྱུ་བ་བསམ་དམིགས་བསྒོམ་པ་མེད།། ཟང་ཀ་སོ་མ་རང་ལུགས་ལ།། ཆེད་བྱས་རྩོལ་བསྒྲུབ་བྱ་བཙལ་མེད།། གདོད་ནས་ཡེ་གནས་བསྒྲུབ་མེད་ལ།། རེ་དོགས་ཡིད་སྨོན་འབྲས་བུ་མེད།། དངོས་མེད་ཀ་དག
iiif viewer powered by OpenSeadragon
