| e-texts navigator |
| Wylie |
280a1 ཙམ་མི་གཡོ་ཙམ་གྱི་ལྷ་འདུག་གོ།། སེམས་ཅན་སངས་རྒྱས་ཀྱི་གཞི་མཚོན་པའི་བརྡའོ།། འགྲུ་བ་རླུང་གི་རྟ་པོ་ལ། ཤེས་རིག་ཡིད་སེམས་ཀྱི་མིས་ཞོན་ནས། འོད་གསལ་རྩལ་བྱུང་གི་ལྷ་ཁང་དུ
280a2 ཕྱིན་ནས་བལྟས་པས། ལྷ་འགའ་ཞིག་གཡོ་འགུལ་མེད་པར་བཞུགས། ལྷ་འགའ་ཞིག་འགུལ་བསྐྱོད་དང་བཅས་ནས་འདུག་གོ།། སྤྱི་སའི་སོ་མཚམས་མཚོན་པའི་བརྡའོ།། ན་བུན་ཁ་རླང་གི་རྟ་ཕོ་ལ། འགྱུར་བ་སྤྲེའི
280a3 མིས་ཞོན་ནས། ཡར་འགྲོ་མར་འགྲོའི་སོ་མཚམས་ན་ལྷ་ཁང་གཉིས་ཡོད་པ་ལ། སྒོ་གང་ཕྱེ་ནས་འདུག་བལྟས་པས། འོད་གསལ་དང་དངས་བྱུང་ནས་རིན་པོ་ཆེ་གསལ་དག་རྣམ་དག་ལྷ་ཁང་སྒོ་ཕྱེ། ངར་འཛིན
280a4 མུན་ནག་གྲོང་རྒྱུག་མཁན་བྱུང་ནས་མུན་པ་ལྷ་ཁང་གི་སྒོ་ཕྱེའོ།། ཞེས་གསུངས་སོ།། འཆར་སྒོ་དང་འཁྲུལ་སྒོའི་བརྡའོ།། འགྱུ་བ་ཡིད་ཀྱི་རྟ་ཕོ་ལ། རིག་སེམས་དྲན་རྟོག་བློའི་མིས་ཞོན་ནས། འཕྲང་གསུམ་སྦུབས
280a5 གསུམ་དུ་ཕྱིན་པས། ལོང་མ་དུག་གསུམ་གྱི་འཁར་བ་ཅན་དང་འཕྲད་ནས། ཁྱོད་ངའི་མུན་པའི་གཡུང་དྲུང་ལ་མི་བལྟ་བ་ཅི་ཉེས། མུན་པའི་ལྷ་ཁང་ལྟོས་ལ། ཁྱོད་མེད་པ་ལ་ཡོད་པར་ཟུང་ཞིག། མི་བདེན་པ་ལ
280a6 བདེན་པར་ཟུང་ཞིག། མི་རྟག་པ་ལ་རྟག་པར་ཟུང་ཞིག། དོན་དམ་ལ་ཀུན་རྫོབ་ཏུ་ཟུང་ཞིག། ཀ་དག་ལ་མ་དག་པར་ཟུང་ཞིག། བདེ་བ་ལ་སྡུག་བསྔལ་དུ་ཟུང་ཞིག། གཉིས་མེད་ལ་གཉིས་སུ་ཟུང་ཞིག། དངོས་མེད
iiif viewer powered by OpenSeadragon
