| e-texts navigator |
| Wylie |
27b1 མཚོ་ཆེན་པོར་མཐའ་གཏིང་མེད་པར་ཐུག། དེ་བཞིན་འཁོར་བའི་སྡུག་བསྔལ་ཆེན་པོ་ཡང་།། སྐྱེ་རྒ་ན་འཆི་ལས་ངན་མཐའ་རུ་ཐུག། འབྱུང་བཞི་སྣང་བའི་ཆོས་འཕྲུལ་ཅིར་སྣང་ཡང་།། ནམ་མཁའ་མཐའ་དབུས་མེད
27b2 པའི་ངང་ལ་ཐུག། དེ་ཕྱིར་ཡུལ་སེམས་འདོད་གཞུང་ཅིར་བཤད་ཀྱང་།། འཁྲུལ་པའི་རྣམ་པར་རྟོག་པའི་མཐའ་རུ་ཐུག། ད་ཡང་འདུས་པའི་སེམས་དཔའ་ཆེན་པོ་ཉོན།། ཆོས་ཀྱི་སྒོ་མོ་བརྒྱད་ཁྲི་བསམ་ཡས
27b3 དག། ཡོངས་བསྡུས་ཐེག་དགུའི་ཆོས་སུ་བསྟན་པ་ཡང་།། རྫོགས་པ་ཆེན་པོའི་ཆོས་ཀྱི་མཐའ་རུ་ཐུག། དེ་ཕྱིར་ངེས་པ་ཀུན་གྱི་རྩ་བ་ཡིན།། ཡེ་ཤེས་རྣམ་ལྔ་ལ་སོགས་མདོར་བསྡུས་པ།། རང་བྱུང་ཡེ་ཤེས་ཆེན་པོར
27b4 འདུས་པའི་ཕྱིར།། རིག་པར་འདུས་པ་ཆོས་ཀུན་རྩ་བ་སྟེ།། རང་རིག་ཡེ་ཤེས་མི་ཟད་ཆོས་སྐུར་ཐུག། ཡུལ་གྱིས་བསྡུས་པའི་ཆོས་རྣམས་མ་ལུས་པ།། ཡིན་མིན་བློ་ཡིས་བྱས་པའི་ཞེན་པ་ལ།། བདག་ལ་མཐར་ཐུག
27b5 ཡོད་པ་མཐའ་ཡིན་ཀྱང་།། ངེས་དོན་ཆོས་ཉིད་ཟབ་མོའི་མཐར་ཐུག་མཆོག། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཆོས་ཉིད་ཀྱི་མཐར་ཐུག་བསྟན་པའི་ལེའུ་སྟེ་སོ་དྲུག
27b6 པའོ།། །། དེ་ཡང་འདུས་པའི་འཁོར་གྱི་ཚོགས་རྣམས་ལ།། སྟོན་པ་ཀུན་བཟང་རྡོ་རྗེས་བཀའ་སྩལ་པ།། སྡུག་བསྔལ་ཆེད་དུ་སྤངས་པའི་ཉན་ཐོས་དང་།། མ་རིག་རྒྱུ་བ་འགེག་པའི་རང་རྒྱལ་དང་།། རྣམ་རྟོག
iiif viewer powered by OpenSeadragon
