| e-texts navigator |
| Wylie |
27a1 གྲུབ།། དངོས་པོ་ལུས་མེད་སྙིང་པོ་བྱང་ཆུབ་སེམས།། སྤྲིན་མེད་མཁའ་ལ་གཟའ་སྐར་ཤར་བ་བཞིན།། རང་སེམས་རྟོགས་པས་འགྲོ་དོན་བཙལ་མི་དགོས།། ད་ཡང་རྡོ་རྗེ་སེམས་དཔའ་ཡིད་ཀྱིས
27a2 ཉོན།། མ་རིག་འཁྲུལ་པའི་མུན་པ་གཏན་ནས་སངས།། རིག་པའི་ཡེ་ཤེས་ཡང་དག་ངེས་པར་རྒྱས།། རྣམ་པ་ཐམས་ཅད་མཁྱེན་པའི་ཡེ་ཤེས་རབ་ཏུ་ལྡན།། འགྲོ་དྲུག་སེམས་ཅན་ལུས་འདི་ལེན་མི་སྲིད།། རྫོགས་པ
27a3 ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས།། ལྟ་བ་ཉམས་པ་བསྐང་བ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་འདུས་པའི་འཁོར་གྱི་སྙིང་པོ་ཡིས།། སྟོན་པ་ཀུན་བཟང་རྡོ་རྗེ་ཆེན་པོ
27a4 ལ།། བདེན་པའི་དགོས་དོན་ཡིད་ཀྱིས་འདི་སྐད་གསོལ།། ཆོས་རྣམས་ཀུན་གྱི་མཐའ་ནི་གང་ལ་ཟུག། ཐེག་དགུའི་འབྲས་བུའི་རིམ་པ་ཇི་ལྟར་འབྱུང་།། རྩོལ་མེད་ངང་དུ་ཡིད་ཆེས་ཇི་ལྟར་འདུས།། དོན་གྱི་དབྱེ་བའི
27a5 བྱེ་བྲག་ངོ་བོ་གང་།། ཐུན་མོང་ཆོས་རྣམས་ཟིལ་གྱིས་ཇི་ལྟར་གནོན།། ཀུན་རིག་སྟོན་པ་ཆོས་རྗེས་བཤད་དུ་གསོལ།། དེ་སྐད་ཞུས་པས་དོན་ཆེན་ངེས་བསྟན་ནས།། ཀུན་རིག་སྟོན་པ་ཆོས་རྗེས་བཀའ་སྩལ་པ།། ལམ
27a6 གྱི་མཐར་ཟུག་འགྲོ་འོང་ངེས་པ་འང་།། གྲོང་ཁྱེར་ནང་དུ་མཐར་ཟུག་འགྲོ་འོང་བཞིན།། ཆོས་ཀུན་རྩ་བ་རང་གི་སེམས་ཡིན་པས།། དེ་ཡི་རྩ་བ་མ་རིག་སེམས་ལ་ཟུག། ཆུ་བྲན་ཀུན་གྱི་འགྲོ་འོང་དུས་བཞིར་ནི།། རྒྱ
iiif viewer powered by OpenSeadragon
