| e-texts navigator |
| Wylie |
279b1 སྐབས་མེད།། སྟོང་གསལ་རིག་མེད་ཐ་སྙད་མེད།། དངོས་མེད་ཀ་དག་རྟོགས་པ་ཡིན།། ཡེངས་མེད་ཕྱེད་དེ་བུན་ནེ་བ།། སང་ངེ་སལ་ལེ་མེར་ཁྱིལ་ལེ།། དེ་རྣམས་མིང་ཡིན་བློ་ལས་འདས། ཀ་དག་དངོས་མེད་ཟང་ཀ
279b2 དེ།། རང་གི་མཐུ་ཡིས་རིག་པ་ལས།། ཆོས་ནི་གཞན་ནས་འབྱུང་མི་འགྱུར།། བྱར་མེད་རྩོལ་མེད་བསམ་དུ་མེད།། དངོས་མེད་རྣལ་མ་བློ་འདས་ཀྱིས།། སྙིང་པོ་ཀ་དག་རྟོགས་པ་ཡིན།། ཞེས་གསུངས་སོ།། ནམ
279b3 མཁའ་ཀློང་ཡངས་ཀྱི་རྒྱུད་ལས།། ཀ་དག་རྟོགས་ཐབས་ཀྱི་ལེའུ་སྟེ་བཅུ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། གསང་སྔགས་བརྡའ་ཡིས་ཇི་ལྟར་བཤད།། ཅེས
279b4 ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཨ་ཨ་བྷོ་ཡ། ཧྲི་ཐ་ར་ས། དྷརྨ་སརྦ། དྷཱ་ཏུ་ཨ་ཨ། ང་ཡིས་གསང་སྔགས་བརྡའ་ཡིས་བཤད།། འཁོར་རྣམས་མ་ཡེངས་བརྡའ་ལ་ཉོན།། ཨ་པ་ར་སི་ཏི་ཨ། སྟོང
279b5 གསལ་ཕྱང་ཆད་ཀྱི་ལྷ་ཁང་ན།། རླུང་སྒྲོ་ཀུན་བྱེད་ཀྱི་མིས་བལྟས་པས། ཅི་ཡང་མ་འདུག་གང་མ་མཐོང་། དེར་ཁོའི་བསམ་པ་སྡུག། དྲན་པ་བརླགས་བློ་སྟོར་རོ།། རིག་པས་མཐའ་གང་དུ་ཡང་མཚོན་བརྗོད་ཀྱི་ཚིག
279b6 ཅི་ཡང་སྒྲ་མི་ཤེས་སོ།། སྔོན་རོལ་མིང་མ་ཐོགས་ཀྱི་བརྡའོ།། ཁ་དོག་ལྔ་གསལ་རིན་པོ་ཆེའི་ལྷ་ཁང་ན། སྨིག་རྒྱུའི་རྟ་ལ་འཇའ་ཚོན་གྱི་མིས་གཞོན་ནས་བལྟས་པས། ལྷ་ཁང་དེ་ན་གསལ་དག་འོད་ཀྱི་ལྷ་དང་། གཡོ
iiif viewer powered by OpenSeadragon
