| e-texts navigator |
| Wylie |
278b1 དྲུག་གཡང་ས་ཇི་ལྟར་བཅད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཀ་དག་དངོས་མེད་ཅང་མེད་ལས།། དེ་མ་རྟོགས་པས་འགྲོ་དྲུག་འཁྲུལ།། དངོས་མེད་མ་རྟོགས་ཞེ་སྡང་སྐྱེས།། དམྱལ་བར
278b2 སྐྱེས་ནས་བཙོ་སྲེག་བྱེད།། བརྒྱད་གཉིས་སྡུག་བསྔལ་ཟད་མེད་མྱོང་།། དངོས་མེད་མ་རྟོགས་སེར་སྣ་སྐྱེས།། ཡི་དྭགས་གནས་སྐྱེས་བཀྲེས་སྐོམ་སྡུག། སྒྲིབ་གསུམ་སྡུག་བསྔལ་ཟད་མེད་མྱོང་།། ཀ་དག་མ་རྟོགས་གཏི
278b3 མུག་སྐྱེས།། བྱོལ་སོང་གནས་སྐྱེས་གླེན་ལྐུགས་མྱོང་།། རྐང་མངས་རྐང་གཉིས་རྐང་བཞི་དང་།། རྐང་མེད་ལ་སོགས་བསམ་ལས་འདས།། དངོས་པོ་མེད་ལས་ཕྲག་དོག་སྐྱེས།། མི་ཡི་གནས་སྐྱེས་ཕྲག
278b4 དོག་སྤྱོད།། བརྒྱད་དང་བཅུ་དྲུག་སྡུག་བསྔལ་མྱོང་།། དངོས་པོ་མེད་ལས་འདོད་ཆགས་སྐྱེས།། ལྷ་ཡི་གནས་འཁྲུལ་ལེ་ལོ་སྤྱོད།། ལོངས་སྤྱོད་གཡེང་བའི་སྡུག་བསྔལ་མྱོང་།། དངོས་པོ་མེད་ལས་ང་རྒྱལ་སྐྱེས།། ལྷ
278b5 མིན་གནས་སུ་འཁྲུག་པ་སྤྱོད།། འཐབ་རྩོད་མཚོན་ཆའི་སྡུག་བསྔལ་མྱོང་།། དེ་ལྟར་འགྲོ་དྲུག་འཁྲུལ་སྐྱེས་ཀྱང་།། དངོས་མེད་ཀ་དག་ཆོ་འཕྲུལ་ཡིན།། དངོས་མེད་ཆོ་འཕྲུལ་རྩད་བཅད་པས།། འགྲོ་དྲུག་གཡང་ས
278b6 ཆོད་པར་བསྟན།། ཀ་དག་དོན་རྟོགས་ཞེ་སྡང་མེད།། དམྱལ་བའི་གནས་འཁྲུལ་རྩད་ནས་བཅད།། བཙོ་བསྲེག་མིང་མེད་ལོངས་སྤྱོད་རྫོགས།། དམྱལ་བར་སྐྱེ་བའི་གཡང་ས་བཅད།། ཀ་དག་དོན་རྟོགས་སེར་སྣ
iiif viewer powered by OpenSeadragon
