| e-texts navigator |
| Wylie |
278a1 རྒྱས་ཉིད།། ང་བདག་གཟུང་འཛིན་སེམས་ཅན་ནོ།། དངོས་མེད་གཅིག་ལ་འཁོར་འདས་གཉིས།། རྟོགས་དང་མ་རྟོགས་གཉིས་ལས་མེད།། རྟོགས་པ་མྱང་འདས་མ་རྟོགས་འཁོར།། ཀ་དག་ཀློང་ལ
278a2 གཉིས་ཀ་མེད།། འཁོར་བར་ལྟུང་བའི་ངོ་བོ་ནི།། མེ་ཡི་ཁྱོ་ལ་མུན་པའི་ཆུང་།། ཕག་པའི་ཡབ་ལ་ཁྱི་ཡི་ཡུམ།། བྱ་སྤུའི་ཁྲ་དང་སྤྲེའི་བུ།། མཚོ་ཁོལ་མེ་འབར་རྭ་ཆེན་སྐྱེས།། ཞེས་གསུངས་སོ།། སྐྱེ་མེད་ཀ་དག་དཔའ
278a3 བོ་ཡིས།། འཁོར་བའི་རུ་བཟློག་དམག་དཔུང་འཇོམས།། དོན་གཅིག་དངོས་མེད་ཀ་དག་གིས།། ཤེས་རབ་རལ་གྲི་མདའ་གཞུ་ཐོགས།། ཉོན་མོངས་མི་ཤེས་གཡུལ་ངོ་བཟློག། ཐུབ་པ་ཆེན་པོ་ཐུབ་ཆེན་གྱིས།། མི
278a4 ས་འཁོར་བའི་དགྲ་དཔུང་འཇོམས།། ཉི་ཟླ་འབར་བའི་སྒྲོན་མེ་ཡིས།། མུན་པའི་ཆུང་མ་བརླག་པར་བྱེད།། གཡོ་རྩོལ་མེད་པའི་རྦ་རླབས་ཀྱིས།། མེ་ཡི་ཁྱོ་བོ་རྩད་ནས་བཅད།། ཤེས་རབ་རལ་གྲིས་ཁྱི་ཕག
278a5 བསད།། རྡོ་རྗེ་ཆེན་པོའི་མདའ་གཞུ་ཡིས།། བྱ་སྦྲུལ་ཁྲ་དང་སྤྲེའུ་བསད།། ཐེག་པ་ཆེན་པོས་སྡུག་བསྔལ་གཅོད།། རང་བཞིན་ངོ་བོ་ཐུགས་རྗེ་གསུམ།། ཡོན་ཏན་ཕྲིན་ལས་ཐོགས་མེད་ལྔས།། འཁོར་བ་རུ་བཟློག་སྐུ
278a6 ལྔར་བསྒྱུར།། ཞེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། འཁོར་བ་རུ་བཟློག་པའི་ལེའུ་སྟེ་བརྒྱད་པའོ།། །། དེ་ནས་སེམས་དཔའ་རྡོ་རྗེ་ཡིས།། བཅོམ་ལྡན་གསང་བའི་བདག་པོ་ལ།། འགྲོ
iiif viewer powered by OpenSeadragon
