| e-texts navigator |
| Wylie |
277a1 བཤད་ཀྱིས་ཉོན།། རྒྱུ་རྐྱེན་འཕོ་འགྱུར་མེད་པ་ཡི།། མཁའ་ཀློང་གཞི་ནས་མ་འགགས་པས།། རྩལ་ཟེར་ཤེས་རིག་འོད་རླུང་ཤར།། ཅང་མེད་ངང་ལ་ཅིར་ཡང་ཤར།། དངོས་མེད་ངང་ལས་དངོས་ཀུན
277a2 ཤར།། ཡེ་མེད་ངང་ལས་སྣ་ཚོགས་ཤར།། སྐྱེ་མེད་ངང་ལས་ཡིད་རིག་ཤར།། འགག་མེད་ངང་ལས་སྒོ་གཉིས་ཤར།། ས་མ་ཟིན་པས་འཁོར་གསུམ་ཤར།། བརྡའ་མ་འཕྲོད་པས་འཁོར་གསུམ་ཤར།། རྩད་མ་ཆོད
277a3 པས་གཟུགས་ལྔར་འཁྲུལ།། ཀློང་དུ་མ་གྱུར་འགྲོ་དྲུག་འཁོར།། ཡེ་མ་ཤར་མ་རིག་ཤར།། གསལ་གདངས་མ་ཤར་མུན་པར་སྣང་།། བདེ་བ་མ་མྱོང་སྡུག་བསྔལ་མྱོང་།། ཡུལ་སེམས་དགག་བསྒྲུབ་གཟུང་འཛིན
277a4 དང་།། སྣང་བརྟགས་ཆགས་སྡང་ཕྱོགས་རིས་རྣམས།། བསམ་ལས་འདས་པ་བརྗོད་མི་རྫོགས།། རྩ་བ་མ་རིག་ང་བདག་དང་།། གཟུང་འཛིན་ཞེ་འདོད་བྱ་བཙལ་ཡིན།། ཡན་ལག་འགག་མེད་བསམ་མི་ཁྱབ།། ཅེས
277a5 གསུངས་སོ།། ཡན་ལག་ཤར་ལུགས་བསྟན་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། ཡན་ལག་རྩལ་ཟེར་སྙིང་པོ་ཇི་ལྟར་ཐིམ།། ཞེས་ཞུས་པས།།
277a6 སྟོན་པས་འཁོར་ལ་བཀའ་སྩལ་པ།། སྙིང་པོ་ཆོས་དབྱིངས་མཁའ་ཀློང་རྣམ་དག་ཏུ།། འགག་མེད་རྩལ་ཟེར་རིག་ཡིད་སེམས་བློ་རྣམས།། རང་བྱུང་དང་དངས་སྙིང་པོའི་ཀློང་དུ་ཐིམ།། སྙིང་པོའི་ཡན་ལག་འཕྲང་རྩལ
iiif viewer powered by OpenSeadragon
