| e-texts navigator |
| Wylie |
276b1 ལ་བཀའ་སྩལ་པ།། སྙིང་པོའི་གནས་ལུགས་མཚོན་དུ་མེད།། རེ་ཞིག་གསུང་གི་སྒྲོན་མ་ཡིས།། མོས་ཚོགས་འདུས་པའི་འཁོར་ལ་བཤད།། སྙིང་པོའི་གནས་ལུགས་འདི་ལྟར་གནས།། ཀ་དག་ཟང་ཀར་གནས་པ
276b2 ཡིན།། དངོས་མེད་རྣལ་མར་གནས་པ་ཡིན།། སྐྱེ་བ་མེད་པར་གནས་པ་ཡིན།། འགག་པ་མེད་པར་གནས་པ་ཡིན།། གཉིས་སུ་མེད་པར་གནས་པ་ཡིན།། རང་གྲོལ་ཆེན་པོར་གནས་པ་ཡིན།། རྒྱུ་རྐྱེན་གཉེན་པོ་མེད
276b3 པར་གནས།། དངོས་མེད་བློ་ལས་འདས་པ་ཡིན།། བྱ་རྩོལ་མེད་པར་གནས་པ་ཡིན།། གཡོ་བ་མེད་པར་གནས་པ་ཡིན།། དབྱེ་བསལ་རྩིས་གདབ་མེད་པར་གནས་པ་ཡིན།། ཀུན་ལྡན་གང་གིའང་རྣམ་པ་མེད།། ཅི
276b4 ཡང་མ་ཡིན་དངོས་མེད་དང་།། མཚོན་མེད་དཔེ་ལས་འདས་པ་ཡིན།། སྟོང་ཉིད་གསལ་དང་འཛིན་རྟོག་མེད།། གཏིང་གསལ་མི་མངོན་ཁ་གསལ་གདངས།། སང་ངེ་ཕྱེད་དེ་ཧང་ངེ་དངས་སང་ངོ་ངེ།། དངོས་པོ་ཅི་ལྟར
276b5 ཤར་ཡང་གྲུབ་པ་མེད།། ཅེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། སྙིང་པོའི་གནས་ལུགས་བསྟན་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི
276b6 བདག་པོ་ལ།། རྩལ་ཟེར་ཡན་ལག་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། འགག་མེད་ཡན་ལག་རྩལ་ཟེར་རྣམས།། ཤར་ལུགས་སྣ་ཚོགས་བསམ་མི་ཁྱབ།། མདོ་ཙམ་འཁོར་ལ
iiif viewer powered by OpenSeadragon
