| e-texts navigator |
| Wylie |
276a1 པ།། བློ་དམན་བྲོད་པ་བསྐྱེད་ཕྱིར་ལས།། ཀ་དག་དངོས་མེད་བསྟན་དུ་མེད།། འོན་ཏང་འཁྲུལ་རྨོངས་མི་ཤེས་ལ།། མུན་ཁུངས་གསལ་སྒྲོན་ལྟ་བུར་བཤད།། མི་མངོན་མི་སྣང་འོད་ཁང་ན། ཤེས་མེད
276a2 ཀ་དག་བློ་འདས་དངོས་པོ་མེད།། ཅང་མེད་ཅིར་སྣང་ཀུན་འབྱུང་དང་།། དངོས་མེད་སྣ་ཚོགས་གཉིས་མ་གྲུབ།། སྟོང་གསལ་དང་ལ་གང་གི་ཐ་སྙད་མེད།། ཡོད་དང་མེད་དང་ཅིར་ཡང་གྲུབ་པ་མེད།། མཉམ་དང་མི
276a3 མཉམ་དབྱེ་བསལ་རྩིས་གདབ་མེད།། དངོས་མེད་རང་བྱུང་དང་དངས་དངས་སང་དེ།། ཕྱང་ངེ་བུན་ནེ་མེར་རེ་ལྷང་ངེ་བ།། ཐ་སྙད་ཙམ་ཡིན་ཅིར་ཡང་གྲུབ་པ་མེད།། ཕྲ་ཞིང་ཤེས་དཀའ་མི་རྟོག་རྟོག་ལས
276a4 འདས།། མཆོག་ཏུ་གསང་བའི་དངོས་མེད་ཟང་ཀ་འདི།། རྣ་བས་ཐོས་མེད་ལྕེ་ཡིས་བརྗོད་དུ་མེད།། ཡིད་ལ་དྲན་མེད་སེམས་ལ་གཞག་དུ་མེད།། རིག་པས་བརྟག་མེད་བློ་ཡི་ཡུལ་ལས་འདས།། ཚོགས་བརྒྱད་ཡུལ་དུ
276a5 མ་གྱུར་རྣམ་ཤེས་རྩིས་གདབ་མེད།། སྒོ་ལྔའི་ཡུལ་དུ་མ་གྱུར་དམིགས་ལས་འདས།། དཔེ་བྱད་ཀུན་ལས་འདས་པས་བསྟན་དུ་མེད།། ཅེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། དངོས་མེད་མཚོན་དུ
276a6 མི་བཏུབ་པར་བསྟན་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་གསང་བའི་བདག་པོ་ལ།། སྙིང་པོའི་གནས་ལུགས་ཇི་ལྟར་གནས།། ཞེས་ཞུས་པ་དང་། སྟོན་པས་འཁོར
iiif viewer powered by OpenSeadragon
