| e-texts navigator |
| Wylie |
275b1 འོད་ཟེར་མ་ལུས་མི་ལུས་ལུས་པ་མེད་པར་བསམ་གྱིས་མི་ཁྱབ་པ་སྤྲོས་ནས། མ་རིག་ཉོན་མོངས་དབང་གིས་ནི།། མ་ཤེས་འཁོར་བར་འཁྱམས་པ་རྣམས།། སྟོན་པ་གསང་བའི་བདག་པོ་ཡིས།། འཁོར་བ་རྩད་གཅོད
275b2 རལ་གྲི་ཐོགས།། མ་རིག་མུན་སེལ་ཉི་ཟླ་སྟོན།། རིངས་ཤིང་ཡངས་པར་ལྗགས་བརྐྱངས་ནས།། དུག་ལྔ་རྩད་གཅོད་འགྲོ་དྲུག་གི།། གཡང་ས་གཅོད་པའི་སྤྱི་ཏི་བཤད།། འཁོར་རྣམས་མ་ཡེངས་གུས་པས
275b3 ཉོན།། ཨཱ་དི་ཧྲྀ་ད་ཡ་ཧྲི་བཛྲ་མ་ཧཱ་སུ་ཁ་ཧོ།། བྱར་མེད་བློ་འདས་ཐེག་པ་འདི།། རང་གི་མཐུ་ཡིས་རྟོགས་པ་ལས།། ཆོས་ནི་གཞན་ནས་འབྱུང་མི་འགྱུར།། གླེང་བྲལ་བྱར་མེད་ལ་གནས་ན།། དངོས་མེད་ཀ་དག་རྣལ་མ
275b4 རྟོགས།། རྣལ་འབྱོར་ཡ་རབ་སྐལ་པ་བཟང་།། དགུ་རྩེ་བྱར་མེད་བློ་འདས་ལ།། མིང་ཙམ་འདི་ཞེས་བསྟན་པ་ནི།། གསང་བའི་བདག་པོ་མཚོན་དུ་མེད།། བྱར་མེད་བློས་བཏགས་ལ་དོར་ཅིག། རྩོལ་བསྒྲུབ་བདེན
275b5 གཉིས་སུན་ཕྱུང་ཞིག། བཤད་དུ་མེད་པར་བསྟན་པ་ནི།། བློ་དམན་དྲངས་ཕྱིར་བསྟན་པ་ལས།། ཀ་དག་དངོས་མེད་མཚོན་དུ་མེད།། ཅེས་གསུངས་སོ།། ནམ་མཁའ་ཀློང་ཡངས་ཀྱི་རྒྱུད་ལས། བྱར་མེད་བསྟན་པའི
275b6 ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། སྟོན་པ་གསང་བའི་བདག་པོ་ལ།། ཀ་དག་བསྟན་དུ་བཏུབ་ལགས་སམ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ
iiif viewer powered by OpenSeadragon
