| e-texts navigator |
| Wylie |
274b1 དཔའ་རྡོ་རྗེ་ལ་སོགས་པ། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། གྲུལ་བུམ་ལ་སོགས་པ་ལྷ་མ
274b2 སྲིན་སྡེ་བརྒྱད་དང་། རིགས་ལྔའི་སངས་རྒྱས་དང་། སངས་རྒྱས་བྱེ་བ་ས་ཡ་དང་། བྱང་ཆུབ་སེམས་དཔའ་བྱེ་བ་ཁྲག་ཁྲིག་རྣམས་དང་ལྷན་ཅིག་ཏུ་བཞུགས་སོ།། དེའི་ཚེ་འཁོར་རྣམས་ཀྱི་ནང་ནས་ཞུ་བ་པོ་རྡོ་རྗེ
274b3 སེམས་དཔའ་སྟན་ལས་ལངས་ནས། བཅོམ་ལྡན་འདས་གསང་བའི་བདག་པོ་ལ་ཕྱག་འཚལ་ཏེ།། པུས་བཙུག་ཐལ་སྦྱར་འདི་སྐད་ཞུས།། སྠི་ཏི་སྤྱི་རྒྱལ་བྱར་མེད་ཇི་ལྟར་གསུངས།། ཀ་དག་དངོས་མེད་བསྟན་དུ
274b4 བཏུབ་ལགས་སམ།། སྙིང་པོ་སྐྱེ་མེད་གནས་ལུགས་ཇི་ལྟར་གནས།། ཡན་ལག་རྩལ་གྱི་འཆར་ལུགས་ཇི་ལྟར་འཆར།། ཡན་ལག་རྩལ་ཟེར་སྙིང་པོར་ཇི་ལྟར་ཐིམ།། དུག་གསུམ་རྩད་ནས་ཇི་ལྟར་གཅད་པར
274b5 བགྱི།། འཁོར་བའི་རུ་ནི་གང་གིས་བཟློག་པར་བྱ།། འགྲོ་བ་དྲུག་གི་གཡང་ས་ཇི་ལྟར་གཅོད།། སྙིང་པོ་སྐྱེ་མེད་ཀ་དག་གང་གིས་རྟོགས།། གསང་སྔགས་བརྡའ་ཡིས་ཇི་ལྟར་བཤད་པར་བྱ།། རྣལ་མ་རྟོགས་ནས་བལྟ
274b6 བསྒོམ་མི་འཚལ་ལམ།། ཆོས་རྣམས་གོ་རྟོགས་ཇི་ལྟར་རྟོགས་པར་བྱ།། ཉོན་མོངས་དུག་ལྔ་སྔ་ལོག་ཇི་ལྟར་བསྒྱུར།། ཆོས་རྣམས་ཐམས་ཅད་ལ་ནི་གང་དུ་བཟླ།། མདོ་དོན་ཐམས་ཅད་གཅིག་ཏུ་ཇི་ལྟར་བསྡུ།། སྙིང
iiif viewer powered by OpenSeadragon
