| e-texts navigator |
| Wylie |
273b1 ང་དངས་ཁྱེའུ་ཆུང་གིས།། རྒྱུད་འདི་གཏད་པའི་གང་ཟག་གང་།། ཞུས་པས། སྟོན་པས་འཁོར་ལ་བཀའ་སྩལ་པ།། དད་དང་དམ་ཚིག་ཤེས་རབ་དང་།། བརྩོན་འགྲུས་བརྩེ་གདུང་གཏོང་ཕོད་ཆེ།། རྒྱུད་བཟང་བརྩོན
273b2 ལྡན་བློ་ཆེ་མྱུར།། བླ་མ་སྙིང་ལ་སེམས་པ་དང་།། མན་ངག་སྲོག་བཞིན་འཚོ་བ་ལ།། དགུ་རྩེ་སྤྱི་ཏིའི་རྒྱུད་འདི་གཏད།། ཉོན་མོངས་མ་རིག་སེར་སྣ་དང་།། ལེ་ལོ་ལོག་ལྟ་ང་རྒྱལ་ཆེ།། དམ་མེད་རྒྱུད་ངན་གྲོགས་མཆེད
273b3 བསླུ།། ཆེ་ངག་དགེ་སློང་གཡོ་སྒྱུ་ཅན།། དེ་ལྟ་བུ་ལ་བྱིན་གྱུར་ན།། བེའུ་སྦྲེལ་གཡང་ལ་བསྒྱུར་བ་བཞིན།། གཉིས་ཀ་རྡོ་རྗེ་དམྱལ་བར་འགྲོ།། དེ་བས་སྣོད་ལྡན་གདམས་པའི་རྒྱ།། ཞེས་གསུངས་སོ།། སྒྲོན་མ
273b4 བརྩེགས་པའི་རྒྱུད་ལས། སྣོད་བཟང་ངན་གྱི་ཁྱད་པར་བསྟན་པའི་རྒྱུད་གཏད་པའི་གནད་བསྟན་པའི་ལེའུ་སྟེ་ཉེར་གཅིག་པའོ།། །། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས
273b5 ལ།། རྒྱུད་འདི་འབྱུང་དུས་གང་གི་ཚེ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། རྒྱུད་འདི་འབྱུང་བའི་དུས་སུ་ནི།། དུས་ངན་ཡུལ་དབུས་བསྟན་པ་དམའ།། བདུད་དང་ལོག་ལྟ་མུ་སྟེགས་དར།། སྡེ
273b6 འཁྲུག་གནས་གཞི་འཐབ་རས་བསྐོར།། ནང་རྒྱས་ཆེ་བཙུན་དུག་ལ་སྦྱོར།། བཙུན་ཆེན་ཆུང་མ་ལེན་པ་དང་།། བཙུན་མས་བུ་ཆུང་གསོ་བ་དང་།། དགེ་སློང་ཚོང་ཁེ་བྱེད་པ་དང་།། མི་ཐུབ་རྣམ་གསུམ་བྱུང་དུས་ན།།
iiif viewer powered by OpenSeadragon
