| e-texts navigator |
| Wylie |
273a1 པོ།། མུན་སེལ་མེ་གསོད་མཚོ་སྐེམ་རྫ་བར་ལ།། རང་གཅིག་མདུད་ཁྲོལ་ཕྱོགས་འདེབས་ཀུན་སྡུད་འུབ་ཆུབ་བོ།། དངོས་མེད་ཟང་ཀ་གསལ་དངས་སྤྱི་ཡི་རྗེ།། བརྡའ་དེ་ཤེས་ན་བརྡའ་ཀུན་ཤེས་པར
273a2 འགྱུར།། འཁྲུལ་ཆོད་མདོ་མེད་ཅོལ་ཆུང་མདོ་བོ་ཆེ།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། བརྡའ་གཅིག་ཤེས་ན་བརྡའ་ཀུན་གྲོལ་བར་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ངང
273a3 དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས་ལ།། རྒྱུད་འདིའི་མཚན་ནི་ཇི་ལྟར་གཟུང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འདི་ལ་མཚོན་མེད་བརྗོད་མེད་ཀྱང་།། འཁོར་གྱིས་མཚན
273a4 འདི་གཟུང་ཕྱིར་བཤད།། བྱ་བརྩལ་ཆགས་སྡང་བློ་ཆོས་འདུད།། བྱར་མེད་བློ་འདས་ཞེན་གཅོད་རྩི།། དེས་ན་བདུད་རྩིའི་རྒྱུད་དུ་ཟུང་།། སངས་རྒྱས་ཀུན་གྱི་ཐུགས་ཀྱི་བཅུད།། བཀའ་བརྒྱུད་ཀུན་གྱི་བཅུད་འདུས
273a5 པས།། བཅུད་འདུས་ཆེན་པོའི་རྒྱུད་དུ་བཟུང་།། མ་རིག་འཁོར་བའི་མུན་རུམ་དེར།། སྒྲོན་མ་བརྩེགས་པས་སེལ་བར་བྱེད།། སྒྲོན་མ་བརྩེགས་པའི་རྒྱུད་དུ་ཟུང་།། ཐེག་པ་མ་ལུས་གཉའ་གཅོག་ཕྱིར།། གཉའ
273a6 གཅོག་སྤྱི་ཏི་བྱ་བར་ཟུང་།། ཐེག་པ་ཀུན་ལས་ལ་ཟློའི་ཕྱིར།། ལ་ཟློ་ཆེན་པོའི་རྒྱུད་དུ་ཟུང་།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། མཚན་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས
iiif viewer powered by OpenSeadragon
