| e-texts navigator |
| Wylie |
272a1 ཤེས་ཟེར་ཐོག་མའི་ཀློང་འདུས་གཉིས་མེད་གནད།། སྔོན་རོལ་ཅང་མེད་ཐོག་མའི་གནད།། གཡོ་བ་གསལ་ཁྱབ་ཐ་མའི་གནད།། སྔོན་རོལ་གསལ་ཐེབས་གཉིས་མེད་གནད།། སྙིང་པོ་ཆོས་ཀྱི་ཐོག
272a2 མའི་གནད།། འདིར་ནི་རྩལ་ལག་ཐ་མའི་གནད།། སྙིང་པོ་རྩལ་ཐིམ་གཉིས་མེད་གནད།། ཀུན་གཞི་མཁའ་ཀློང་ཐོག་མའི་གནད།། རིག་ཤེས་ཡིད་སེམས་ཐ་མའི་གནད།། དེ་དག་ཀློང་ཐིམ་གཉིས་མེད་གནད།། མ
272a3 བུ་གཉིས་མེད་དབྱེར་མི་ཤེས།། གནད་རྣམས་མ་ལུས་ཁྲོལ་བར་བཤད།། བྱ་གནད་ནམ་མཁའ་ཉ་གནད་ཆུ།། སྲོག་གནད་སྙིང་ལ་མེ་གནད་རྩེ།། སྣང་གསལ་ཉི་ཟླ་སེམས་གནད་དོན།། རིན་ཆེན་དངོས་མེད་ཀུན་གྱི
272a4 གཞི།། མི་སྣང་གསལ་བའི་བདག་ཉིད་ཅན།། དོན་གཅིག་ཅང་མེད་ཅིར་ཡང་གསལ།། མི་སྣང་རང་བཞིན་ཡོད་པའོ།། དེས་ན་དངོས་མེད་ཀུན་གྱི་གནད།། གནད་རྣམས་ཐམས་ཅད་དེ་ཡིས་ཁྲོལ།། ཞེས་གསུངས
272a5 སོ།། སྒྲོན་མ་བརྩེགས་པའི་རྒྱུད་ལས། གནད་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་ཀུན་བཟང་ལ།། བརྡའ་གཅིག་ཤེས་པས་བརྡའ་ཀུན
272a6 ཁྲོལ།། བརྡའ་ཡི་གནད་དེ་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། མིང་མ་ཐོགས་པའི་སྔོན་རོལ་ན།། ཅང་མེད་ཐ་སྙད་གང་གིས་ཀྱང་།། མ་གོས་པ་ཡི་བརྡའ་གཅིག་ཡོད།། ཀུན
iiif viewer powered by OpenSeadragon
