| e-texts navigator |
| Wylie |
271b1 དྲུག་པའོ།། །། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས་ལ།། གཅིག་ཤེས་ཀུན་གྲོལ་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཆོས་གཅིག་དེ་བཞིན
271b2 ཉིད་ཤེས་ན།། ཆོས་རྣམས་ཐམས་ཅད་གྲོལ་བར་འགྱུར།། ཞེས་བཀའ་སྩལ་པ་དང་།། དེ་ནས་རང་དངས་ཁྱེའུ་ཆུང་གིས།། ཆོས་གཅིག་དེ་ནི་ཇི་ལྟར་ལགས།། གཅིག་ལ་དངོས་པོ་ཡོད་ལགས་སམ།། ཞེས་ཞུས་པ
271b3 དང་། སྟོན་པས་འཁོར་ལ་བཀའ་སྩལ་པ།། ཆོས་གཅིག་བྱ་བའི་རང་བཞིན་ནི།། གཞི་ཡི་ཀློང་ལས་མཚོན་མེད་ཀྱང་།། རྩལ་ཟེར་ཤེས་རིག་གཅིག་ཅེས་བརྗོད།། རིན་ཆེན་གསལ་དངས་ངང་དངས་དེ།། ཡོད་པ་མ
271b4 ཡིན་དངོས་པོ་མེད།། མེད་པ་མ་ཡིན་གསལ་ཞིང་རིག། དངོས་མེད་ཡེ་ཤེས་ཟང་ཀ་མ།། མི་སྣང་གསལ་བའི་རང་བཞིན་ཅན།། དེ་ཀ་ཉིད་ལས་གྲོལ་ཞེས་བཤད།། དེས་ན་གཅིག་ཤེས་ཀུན་གྲོལ་ལོ།། ཞེས་གསུངས
271b5 སོ།། སྒྲོན་མ་བརྩེགས་པའི་རྒྱུད་ལས།། གཅིག་ཤེས་ཀུན་གྲོལ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས་ལ།། གནད་རྣམས་ཁྲོལ་བ་གཅིག
271b6 ཀུན་ནི།། ཇི་ལྟར་རང་སར་གྲོལ་བར་འགྱུར།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། མིང་མེད་ཕྱོགས་བྲལ་ཀུན་ཁྱབ་ཐོག་མའི་གནད།། ཡན་ལག་རྩལ་ཟེར་མིང་འདོགས་ཐ་མའི་གནད།། རྩལ
iiif viewer powered by OpenSeadragon
