| e-texts navigator |
| Wylie |
270b1 ཀྱི་བསྐུར།། རྫོགས་ཆེན་ལྟ་བ་མ་ལུས་རྫོགས།། དབྱིངས་དང་ཡེ་ཤེས་གཉིས་མེད་པས།། ཨ་ནུའི་ལྟ་བ་མ་འདྲེས་རྫོགས།། སྣང་སྟོང་ཐབས་དང་ཤེས་རབ་མེད།། མ་ཧཱའི་ལྟ་བ་མ་འདྲེས་རྫོགས།། སུམ་ཅུ་རྩ་བདུན་སྐྱེ
270b2 འགག་མེད།། ཡོ་གའི་ལྟ་བ་མ་འདྲེས་རྫོགས།། མར་སྤྱོད་ཡར་ལྷའི་རྩེ་གཉིས་མེད།། ཨུ་པའི་ལྟ་བ་མ་འདྲེས་རྫོགས།། དག་གསུམ་རིགས་གསུམ་མགོན་མེད་པས།། ཀྲི་ཡའི་ལྟ་བ་མ་འདྲེས་རྫོགས།། བདེན་པ
270b3 གཉིས་སུ་མི་བལྟ་བས།། དབུ་མའི་ལྟ་བ་མ་འདྲེས་རྫོགས།། ཡུལ་སེམས་གཉིས་སུ་མི་བལྟ་བས།། སེམས་ཙམ་ལྟ་བ་མ་འདྲེས་རྫོགས།། རྟེན་འབྲེལ་བཅུ་གཉིས་མི་བལྟ་བས།། རང་རྒྱལ་ལྟ་བ་མ་འདྲེས
270b4 རྫོགས།། བདག་མེད་ཕྱོགས་ཆ་མི་འདོད་པས།། ཉན་ཐོས་ལྟ་བ་མ་འདྲེས་རྫོགས།། རྟག་ཆད་གཉིས་སུ་མ་ལྷུང་བས།། མུ་སྟེགས་ལྟ་བ་མ་འདྲེས་རྫོགས།། དེ་ལྟར་གང་དུའང་མི་བལྟ་ལ།། གང་ཡང་མ་འདྲེས་འདིར
270b5 རྫོགས་ཤིང་།། འདྲེས་དང་མ་འདྲེས་རྫོགས་མ་རྫོགས།། གཉིས་ཀ་གཉིས་མེད་རང་གྲོལ་བས།། ཆོས་རྣམས་མ་འདྲེས་སྠི་ཏི་རྫོགས།། འཇུག་སྒོ་ཕྲིན་ལས་ལྷ་དབང་རྫོགས།། དམ་ཚིག་མཆོད་བསྟོད་གཏོར་མ
270b6 རྫོགས།། མཎྜལ་ཚ་ཚ་བཤགས་པ་དང་།། དགེ་རྩ་སྨོན་ལམ་རྒྱས་འདེབས་རྫོགས།། གཅིག་རྫོགས་གཉིས་རྫོགས་སེམས་སུ་རྫོགས།། ཡོད་མེད་མ་ལུས་སྣང་སྟོང་རྫོགས།། ཡོངས་རྫོགས་སྐད་ཅིག་བྱེ་བྲག་ཕྱེད།།
iiif viewer powered by OpenSeadragon
