| e-texts navigator |
| Wylie |
270a1 བཙལ་རང་གནས་རྟོགས་པ་ལ།། སྨོན་ལམ་ཞེས་བྱར་བཏགས་པ་ཡིན།། ཚེ་འདིར་བཏབ་ནས་ཕྱི་མ་ལ།། ཐོབ་ཏུ་རེ་བ་ལྟོས་མེད་པར།། སྙིང་པོ་ཆོས་སྐུ་རང་ལས་རྙེད།། རྙེད་དང་མ་རྙེད་གཉིས་ཀ
270a2 དང་།། གཉིས་མེད་མུ་མཐའ་རང་སར་གྲོལ།། ཡང་རྩེ་སྠི་ཏིའི་སྨོན་ལམ་ཡིན།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། དངོས་གྲུབ་དམ་ཚིག་སྨོན་ལམ་བསྟན་པའི་ལེའུ་སྟེ་བཅུ་བཞི
270a3 པའོ།། །། དེ་ནས་དང་དངས་ཁྱེའུ་ཆུང་གིས།། རང་བཞིན་ཀུན་བཟང་ལ་ཞུས་པ།། དགུ་རྩེ་སེམས་ཉིད་སྤྱི་ཏི་འདི།། མ་འདྲེས་ཡོངས་སུ་ཇི་ལྟར་རྫོགས།། ཞེས་ཞུས་པས། སྟོན་པས་འཁོར་ལ་བཀའ་སྩལ
270a4 པ།། མཁའ་ཀློང་རྣམ་དག་ཀློང་ཆེན་དུ།། སྣང་སྲིད་འུབ་བསྡུས་ཆེན་པོར་རྫོགས།། རྩེ་རྒྱལ་རྫོགས་ཆེན་སྤྱི་ཏི་རུ།། ཐེག་པ་བརྒྱད་ཁྲི་བཞི་སྟོང་རྫོགས།། མ་བུ་གཉིས་མེད་གནས་གཉིས་སུ།། གདམས་ངག་ཐམས་ཅད
270a5 འུབ་བསྡུས་རྫོགས།། རང་སངས་རང་རྒྱལ་རང་གྲོལ་དུ།། རྟོགས་ལུགས་བརྒྱད་ཁྲི་བཞི་སྟོང་རྫོགས།། ནམ་མཁར་འབྱུང་ལྔ་མ་འདྲེས་རྫོགས།། བར་སྣང་ཉི་ཟླ་གཟའ་སྐར་རྫོགས།། གནམ་སའི་ཀློང་དུ་སྐྱེ་འགྲོ
270a6 རྫོགས།། དཀྱིལ་འཁོར་ཀློང་དུ་ཚོན་ལྔ་རྫོགས།། ཟ་འོག་སྣམ་བུར་དར་སྣ་རྫོགས།། ཡིད་བཞིན་ནོར་བུ་རིན་ཆེན་རྫོགས།། དེ་བཞིན་སེམས་ཉིད་སྤྱི་ཏི་འདིར།། ཕྱི་ནང་ཐེག་པ་མ་ལུས་རྫོགས།། ཡེ་དག་བྱ་བྲལ་ཆོས
iiif viewer powered by OpenSeadragon
