| e-texts navigator |
| Wylie |
26b1 ཆོས།། སེམས་ལ་གསལ་བས་རྣམ་རྟོག་མིང་ཡང་མེད།། དེ་ཕྱིར་རང་བྱུང་ཡེ་ཤེས་ཐུགས་ལ་ཤར།། དེ་ཙམ་ཉིད་ནི་ངེས་དོན་ཆོས་ཀྱི་སྐུ།། དེ་རྟོགས་སངས་རྒྱས་རང་བྱུང་བཅོམ་ལྡན་འདས།། ཐམས་ཅད་མཁྱེན་པའི
26b2 ཡེ་ཤེས་ཐུགས་ལ་བཀྲ།། དེ་ཕྱིར་མན་ངག་ངེས་དོན་སྙིང་པོ་འདི།། སྐྱབས་དང་མགོན་དུ་ལྟ་བ་མཆོག་ཏུ་གསུངས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ལྟ་བ་ཉམས་པ་སྐོང
26b3 བའི་ཐབས་བསྟན་པའི་ལེའུ་སྟེ་སོ་བཞི་པའོ།། །། དེ་ནས་འདུས་པའི་འཁོར་རྣམས་ལ།། ཀུན་བཟང་སྟོན་པ་ཆོས་རྗེས་བཀའ་སྩལ་པ།། ལྟ་བ་ཉམས་པ་བསྐངས་པའི་འབྲས་བུ་ནི།། རང་སེམས་སངས་རྒྱས
26b4 སྙིང་པོ་ཡེ་ཤེས་འབྱུང་།། རྟོགས་པ་ཙམ་གྱིས་རང་རིག་ཆོས་ཀྱི་སྐུ།། འབྲས་བུ་གཞན་ནས་བཙལ་མི་དགོས་པའི་མཆོག། རང་བྱུང་གདོད་ནས་དག་པའི་ངོ་བོ་ཉིད།། ཆོས་སྐུ་འགྱུར་བ་མེད་པའི་ཡེ་ཤེས་བདེ།། འབྲས
26b5 བུ་དུས་ལ་མི་ལྟོས་ད་ལྟ་ཉིད།། ཡེ་དབང་ཐོབ་ནས་སངས་རྒྱས་ཀུན་དང་མཉམ།། རྣམ་སྨིན་ལུས་འདི་བྲལ་ནས་ཀུན་བཟང་ཐུགས།། སྐྱེ་བ་མི་ལེན་འབྲས་བུ་མངོན་དུ་གྱུར།། བྱང་ཆུབ་མཆོག་ཉིད་རང་བྱུང་མཐར་ཕྱིན
26b6 པས།། མི་ཚེ་འདི་ཡིས་བྱང་ཆུབ་མཆོག་ཐོབ་པས།། རྒྱུ་ལས་མི་ལྟོས་འབྲས་བུ་ཡེ་ཤེས་ཚོགས།། ད་ལྟ་ཉིད་ནི་རང་རིག་ཀུན་དུ་བཟང་།། ལུས་འདི་བྲལ་བས་སངས་རྒྱས་ཆོས་ཀྱི་སྐུ།། སྐྱེ་བ་མི་ལེན་འབྲས་བུ་མངོན་དུ
iiif viewer powered by OpenSeadragon
