| e-texts navigator |
| Wylie |
269b1 པོ་ལ།། དངོས་གྲུབ་དམ་ཚིག་སྨོན་ལམ་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། དངོས་གྲུབ་དངོས་གྲུབ་ཅེས་བྱ་བ།། གཞན་ནས་བླང་བའི་ཡུལ་མེད་དེ།། རང་ལ་ཡེ་གནས་གདོད་ནས
269b2 གྲུབ།། གྲུབ་ཟིན་དོན་ལས་མ་འདས་ན།། ཐུན་མོང་བསྒྲུབ་པ་བྱ་མི་དགོས།། དངོས་ནི་ཆོས་ཉིད་སྐྱེ་མེད་དེ།། གྲུབ་པ་རྟོགས་པའི་ཡེ་ཤེས་ཏེ།། ཐོབ་ནི་ཆོས་སྐུ་སྐྱེ་མེད་ཐོབ།། དངོས་ནི་རང་གསལ་རིན་པོ་ཆེ།། གྲུབ
269b3 པ་དེ་རྟོགས་ཤེས་རབ་ཡིན།། དངོས་ནི་དངོས་མེད་ཆོས་ཀྱི་སྐུ།། སྐྱེ་ཤི་འཕོ་འགྱུར་མེད་པར་གྲུབ།། དངོས་ནི་སྙིང་པོ་དོན་གྱི་ཀློང་།། གནས་གཞི་གཏན་ལ་ཕེབས་པ་ཡིས།། འཁྲུལ་པ་རྩད་ནས་ཆོད་པས
269b4 གྲུབ།། དངོས་ནི་སྤྱི་ཏིའི་གནས་ལུགས་ཏེ།། གྲུབ་མཐའི་རྒྱ་ལས་གྲོལ་བས་གྲུབ།། ཡང་དག་དོན་གྱི་དམ་ཚིག་ནི།། དབྱེར་མེད་གདེང་ལས་མི་འདའ་དང་།། སྙིང་པོའི་དོན་ལས་མི་འདའ་དང་།། རྟོགས་པའི་དོན་ལས
269b5 མི་འདའ་དང་།། མ་བུ་ངོ་སྤྱོད་ཉམས་ལེན་ལས།། རྟག་ཏུ་མི་འདའ་དམ་ཚིག་ཡིན།། བླ་མེད་མཆོག་གི་སྨོན་ལམ་ནི།། མ་བགྲོད་ཐོག་མའི་གཞིར་ཕྱིན་དང་།། རང་གནས་སྨོན་པའི་སར་སྐྱོལ་དང་།། ཆོས་དབྱིངས་བླ
269b6 མེད་ཀློང་དཀྱིལ་དུ།། རྩལ་ཟེར་རིག་པ་རང་སར་ཐིམ།། ཐིམ་དང་མ་ཐིམ་མུ་མཐའ་སྟོང་།། སྨོན་པའི་སངས་རྒྱས་རང་ལས་རྙེད།། སྨོན་ལམ་ཞེས་བྱ་ཐ་སྙད་བཏགས།། བསམ་མེད་བྱ་བྲལ་མཐའ་གྲོལ་ཏེ།། མ
iiif viewer powered by OpenSeadragon
