| e-texts navigator |
| Wylie |
268b1 ལ།། སྒྲིབ་གཉིས་མ་སྦྱངས་ཀ་ནས་དག། སྐྱེ་མེད་རྡོ་རྗེ་རང་འཁྲུངས་པས།། ལྷ་དང་མཆོད་བསྟོད་མུ་མཐའ་སངས།། རྩོལ་བསྒྲུབ་བློ་ལས་ཁྱད་པར་འཕགས།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས།།
268b2 ལྷ་ཚོགས་མཆོད་བསྟོད་ཀྱི་ལེའུ་སྟེ་བཅུ་གཉིས་པའོ།། །། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས་ལ།། མ་བསྐུར་དབང་ནི་ཇི་ལྟར་ཐོབ།། ཅེས་ཞུས་པས། སྟོན་པས་འཁོར་ལ
268b3 བཀའ་སྩལ་པ།། ཐེག་པ་གཞན་ལས་འཕགས་པ་ཡི།། དགུ་རྩེ་དབང་གི་རྒྱལ་པོ་བཤད།། མཁའ་ཀློང་ཆོས་དབྱིངས་ཡངས་པའི་དབང་།། མ་ཕྱེ་མ་བཀོལ་སྙིང་པོར་བསྐུར།། ཆོས་ཉིད་སྐྱེ་འགག་གཉིས་མེད
268b4 དབང་།། རྩལ་ཟེར་ཐིག་ལེའི་ཀློང་འདུས་བསྐུར།། སྣང་སྲིད་མ་བཀག་རོལ་པའི་དབང་།། དགག་བསྒྲུབ་འབྱེད་པ་མེད་པར་བསྐུར།། གཉིས་མེད་རང་སོར་བཞག་པའི་དབང་།། ཆོས་ཉིད་གསལ་དག་ངང་དུ
268b5 བསྐུར།། རྒྱལ་ཟབས་སྤྱི་བླུགས་ཚངས་པའི་དབང་།། བྱ་བཙལ་གཡོ་རྩོལ་མེད་པར་བསྐུར། བུམ་པའི་རྒྱལ་པོ་སྙིང་པོའི་བཅུད།། ཐིག་ལེ་བཅུད་འདུས་བུམ་པས་བསྐུར།། རྡོ་རྗེ་རྒྱལ་པོ་བཀའ་ཡི་དབང་།། དུས
268b6 གསུམ་འཕོ་འགྱུར་མེད་པར་བསྐུར།། དབུ་རྒྱན་བླ་མེད་རིགས་ལྔའི་དབང་།། གདོད་ནས་སྤྱི་བླུགས་ཀློང་དུ་བསྐུར།། ཅོད་པན་ཐེག་དགུ་ལས་རྒྱལ་དབང་།། གྲུབ་མཐའ་འཛིན་ཞེན་མེད་པར་བསྐུར།། ཤེས་བརྗོད
iiif viewer powered by OpenSeadragon
