| e-texts navigator |
| Wylie |
268a1 ཏེ།། དཀྱིལ་འཁོར་གཞན་ལས་ཁྱད་པར་འཕགས།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། སྨྲྀ་ཏིའི་དཀྱིལ་འཁོར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་དང་དངས
268a2 ཁྱེའུ་ཆུང་གིས།། དམ་པ་དང་པོའི་སངས་རྒྱས་ལ།། ལྷ་ཚོགས་སྤྱན་འདྲེན་མཆོད་བསྟོད་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ལྷ་ཡི་དབང་པོ་ལྷ་ཡི་ལྷ།། ལྷ་དང་ལྷ་མིན་ཀུན་གྱི
268a3 བདག། གནས་ལུགས་སྐྱེ་མེད་ཀ་དག་སྟེ།། ཇི་བཞིན་མ་བཅོས་སྙིང་པོའི་ལྷ།། གདོད་ནས་དངོས་མེད་ཟང་ཀ་སྟེ།། མ་བསྒྲུབས་ཡེ་ནས་ལྷ་ཚོགས་ལ།། སྤྱན་དྲངས་མིང་མེད་ཡེ་ནས་གནས།། བཅོས་བསླད་སྒྲིབ་མེད
268a4 རང་སར་བསྟན།། སྐྱེ་མེད་མཚོན་བྲལ་ཆོས་འདས་ལ།། གཉིས་བྲལ་འགྱུར་མེད་མཆོད་བསྟོད་མེད།། ཕུང་པོ་ལྔ་ཉིད་ཡེ་དག་པས།། འཁྲུལ་པའི་དུས་ཉིད་ཡེ་སངས་རྒྱས།། འབྱུང་ལྔ་ཡེ་ནས་རང་དངས་པས།། ཡུལ
268a5 སྣང་གསལ་དག་ངང་དུ་གྲོལ།། དབང་པོ་ལྔ་ཉིད་གཅེར་གྲོལ་བས།། དུག་ལྔ་གདོད་ནས་ཡེ་ཤེས་པས།། གནས་བསྒྱུར་མི་དགོས་རྣལ་མའི་ངང་།། རེ་མེད་རང་ལ་ཡེ་གནས་པས།། སྤྱན་དྲངས་མཆོད་བསྟོད་ཡུལ་ལས
268a6 འདས།། གང་ནས་མ་བསྒྲུབས་རང་ཉིད་པས།། ཆེ་བའི་ཡོན་ཏན་བཙལ་དང་བྲལ།། ཚོགས་གཉིས་མ་བསགས་ཡོངས་རྫོགས་པས།། ཁམས་གྱིས་བཙལ་ཞིང་བསྒྲུབ་ལས་གྲོལ།། དྲི་མེད་ངང་དངས་ཡེ་གསལ
iiif viewer powered by OpenSeadragon
