| e-texts navigator |
| Wylie |
267b1 ཆེ།། སྣང་སྟོང་སྐུ་ཡི་དཀྱིལ་འཁོར་ཏེ།། གྲག་སྟོང་གསུང་གི་དཀྱིལ་འཁོར་ཡིན།། དྲན་སྟོང་ཐུགས་ཀྱི་དཀྱིལ་འཁོར་ཡིན།། སྐུ་ཡི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་གནས།། གསུང་གི་དཀྱིལ
267b2 འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་གནས།། ཐུགས་ཀྱི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་གནས།། རང་བཞིན་ངོ་བོ་ཐུགས་རྗེ་གསུམ།། གདོད་ནས་མ་བཅོས་དཀྱིལ་འཁོར
267b3 ཡིན།། དཀྱིལ་འཁོར་དཀྱིལ་འཁོར་ཞེས་བྱ་བ།། དཀྱིལ་ནི་སྔོན་ཐོག་ཡེ་གནས་ཡིན།། འཁོར་ནི་རྒྱ་ཆད་ཕྱོགས་ལྷུང་མེད།། དཀྱིལ་ནི་སྙིང་པོའི་གཤིས་ཡིན་ཏེ།། རྩལ་ཟེར་ཡན་ལག་འཁོར་ཡིན་ནོ།། དཀྱིལ་ནི་ཀུན
267b4 གཞིའི་ཀློང་ཡིན་ཏེ།། འོད་ཟེར་ཤེས་རིག་འཁོར་ཡིན་ནོ།། རང་བཞིན་ངོ་བོ་ཐུགས་ཀྱི་དཀྱིལ།། སྒོ་གསུམ་སྒོ་གཉིས་འཁོར་ཡིན་ནོ།། འཁྲུལ་ལུགས་རྣམ་གསུམ་དཀྱིལ་ཡིན་ཏེ།། གཅོད་ལུགས་རྣམ་གསུམ་འཁོར
267b5 ཡིན་ནོ།། རིག་ཡིད་སེམས་གསུམ་དཀྱིལ་ཡིན་ཏེ།། ངང་དངས་རྩད་གཅོད་འཁོར་ཡིན་ནོ།། སྙིང་པོ་ཆོས་ཉིད་དཀྱིལ་ཡིན་ཏེ།། ཐག་ཆོད་གདེངས་ལྡན་འཁོར་ཡིན་ནོ།། ཡེ་ནས་རང་གནས་དཀྱིལ་ཡིན་ཏེ།། སྐྱེ་མེད
267b6 དོན་རྟོགས་འཁོར་ཡིན་ནོ།། ཕྱི་ནང་སྣང་སྲིད་དཀྱིལ་ཡིན་ཏེ།། ཕྱོགས་མེད་དབྱེར་མེད་འཁོར་ཡིན་ནོ།། ཡོད་མེད་སྐྱེ་འགུལ་དཀྱིལ་ཡིན་ཏེ།། སོར་བཞག་རྩིས་གདབ་མེད་པ་འཁོར།། བླ་མེད་སྤྱི་ཏིའི་དཀྱིལ་འཁོར
iiif viewer powered by OpenSeadragon
