| e-texts navigator |
| Wylie |
266a1 སེམས་བདག་མེད་སྦྲོན།། བྱ་རུ་བཞིན་དུ་གཉིས་བཟང་བས།། ཀིམ་པ་ཀ་ཡི་འབྲས་བུ་བཞིན།། སྨིན་ཡང་འབྲས་བུ་མི་འབྱུང་ངོ་།། བལྟ་བསྒོམ་སྤྱོད་འབྲས་ས་ལམ་ངམ།། ང་རྣམས་སྐྱོན་བརྗོད་ཟད
266a2 མཐའ་ཡས།། ལྡོང་པ་ནམ་མཁར་སྙེགས་པ་འདྲ།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། ཐེག་པ་འོག་མ་པའི་སྐྱོན་བསྟན་པའི་ལེའུ་སྟེ་དགུ་པའོ།། །། དེ་ནས་དང་དང་ས་ཁྱེའུ་ཆུང་གིས།། ཐོག
266a3 མའི་སངས་རྒྱས་ཀུན་བཟང་ལ།། ཐེག་པ་རིམ་པ་དགུ་པོ་ལས།། སྠི་ཏི་ཁྱད་པར་གང་གིས་སྤགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ང་ཡི་བླ་མེད་སྤྱི་ཏི་ལ།། སྦགས་དང་མ་སྦགས་གཉིས
266a4 མེད་ཀྱང་།། རྩལ་གྱི་རིག་པས་ཚིག་ཕྱེ་བས།། ཐེག་པ་དགུ་རྩེའི་སྤྱི་ཏི་འདི།། གདོད་ནས་དག་པའི་ཆོས་སྐུ་ལ།། བྱ་བཙལ་རྩོལ་བསྒྲུབ་མི་འཐད་དེ།། མཚོན་འདས་བློ་འདས་བསྒྲུབ་མེད་འདི།། བདེན་པ་གཉིས་སུ་མི
266a5 བལྟ་སྟེ།། གཉིས་བཟུང་ཆོས་རྣམས་སྤྲོས་པ་གཅོད།། དེས་ན་རྩེ་རྒྱལ་སྤྱི་ཏི་སྤགས།། དྲན་པའི་འཁོར་ལོ་ལས་འདས་པས།། འཛིན་རྟོགས་བློ་ལས་ཁྱད་པར་འཕགས།། དྲན་མེད་བསམ་པ་ལས་འདས་པས།། བེམ་པོ
266a6 རིག་མེད་རྣམས་ལས་སྤགས།། སྐྱེ་མེད་ཙམ་དུའང་མ་གྲུབ་པས།། སྐྱེ་བའི་འཁོར་ལོ་རྣམས་ལས་སྤགས།། ཡིད་ཀྱི་འགྱུ་བ་རང་དག་པས།། སེམས་ཀྱི་བརྟགས་ཞེན་རྣམས་ལས་སྤགས།། ཉོན་མོངས་མ་ལུས་ཀུན
iiif viewer powered by OpenSeadragon
