| e-texts navigator |
| Wylie |
264b1 དམིགས་མི་རྟོག་ལ།། ཅི་བྱུང་རང་བྱུང་དང་དངས་བདེ།། ཅི་སྐྱེས་ཞེན་མེད་རང་སར་ཀློད།། ཅི་ཡང་དགག་བསྒྲུབ་དབྱེ་བསལ་མེད།། རིག་པ་ཐོལ་བྱུང་བྱུང་སར་ཐིམ།། བདེ་ཆེན་མི་རྟོག་འགྱུ་བ་མེད།། རིག་པ་མ
264b2 འགགས་ཟང་ཐལ་ལ།། ཡིད་ལ་མི་བྱེད་སྣང་བ་དག། དབང་པོ་རང་སྣང་རྒྱལ་བའི་ཐུགས།། མཐོང་བ་ལོག་པའི་འཁྲུལ་པ་ཡང་།། འཁྲུལ་པ་སངས་པས་མྱ་ངན་འདས།། རྟོགས་པས་སངས་རྒྱས་ཁོ་ན་སྟེ།། མ་རྟོགས
264b3 པ་ནི་སེམས་ཅན་ནོ།། ཡེ་ཡིན་ཀ་དག་རྣལ་མའི་སྐུ།། དངོས་མེད་ཡེ་ཤེས་ཟང་ཀ་མ།། བྱ་བྲལ་བསམ་མེད་དགོངས་པ་ཤེས།། ཞེས་གསུངས་སོ།། སྒྲོན་མ་བརྩེགས་པའི་རྒྱུད་ལས། རྟོགས་ཐབས་མན་ངག་བསྟན
264b4 པའི་ལེའུ་སྟེ་དྲུག་པའོ།། །། དེ་ནས་དང་དངས་ཁྱེའུ་ཆུང་གིས།། ཡེ་ཐོག་རང་བཞིན་ཀུན་བཟང་ལ།། རྟོགས་ན་འབྲས་བུ་ཇི་ལྟར་འཐོབ།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། འབྲས་བུ་ཐོབ
264b5 མ་ཐོབ་མེད་ཀྱང་།། བློ་དམན་བྲོད་པ་བསྐྱེད་ཕྱིར་བཤད།། འཁོར་རྣམས་མ་ཡེངས་གུས་པར་ཉོན།། སྙིང་པོ་བཅུད་འདུས་མ་ཡི་དབྱིངས།། མཁའ་གསལ་འོད་གསལ་བུ་ཡི་དངས།། སྙིང་པོའི་ཀློང་དུ་རང་བྱུང
264b6 བུ།། རྩལ་ཟེར་མ་འཕྲོས་མ་ལ་ཐིམ།། མ་བུ་ངོ་འཕྲོད་ཡེ་སངས་རྒྱས།། རང་བཞིན་སྐྱེ་མེད་ཆོས་ཀྱི་སྐུ།། ངོ་བོ་འགགས་མེད་ལོངས་སྤྱོད་སྐུ།། ཐུགས་རྗེ་གཉིས་མེད་སྤྲུལ་པའི་སྐུ།། ཡོན་ཏན་དབྱེར་མེད་ངོ་བོའི
iiif viewer powered by OpenSeadragon
