| e-texts navigator |
| Wylie |
263b1 བརླག། མཁས་པས་རྣམ་གྲོལ་གསུམ་དུ་ཆོད།། མཚན་ཉིད་གསུམ་དུ་གཏན་ལ་དབབ།། སྣང་བའི་མཚན་ཉིད་རང་སྣང་ཡིན།། གནས་ལུགས་མཚན་ཉིད་སྐྱེ་བ་མེད།། རིག་པ་ཡིད་གཉིས་འཛིན་པ་ནི།། འཁྲུལ་པའི
263b2 མཚན་ཉིད་ཤེས་པར་བྱ།། སྣང་བ་མ་བཀག་རང་སོར་བཞག། གནས་ལུགས་སྐྱེ་འགག་གཉིས་སུ་མེད།། རིག་འགྱུ་སེམས་མེད་སྤྲོས་པ་ཆོད།། དཀྱིལ་འཁོར་གསུམ་དུ་ངོ་སྤྲོད་པ།། སྣང་བ་ཆོས་ཀྱི་དཀྱིལ་འཁོར
263b3 དུ།། རང་གྲོལ་རང་སངས་རང་ངོ་སྤྱོད།། འགྱུ་བ་རིག་པ་དྲན་སེམས་རྣམས།། ཐོལ་བྱུང་དང་དངས་འཛིན་པ་མེད།། རིས་མེད་གསལ་དག་དལ་དུ་སྤྲད།། ཀུན་གཞི་འོད་གསལ་ཆོས་ཉིད་འདི།། རྣམ་དག་བསམ་གྱིས
263b4 མི་ཁྱབ་པས།། དཀྱིལ་འཁོར་ཆེན་པོར་རང་ངོ་སྤྲད།། དུས་གསུམ་དུས་ལས་བཟློག་པ་ནི།། འདས་པའི་དུས་ལས་བཟློག་པ་ཡིས།། སྔར་ཞེན་བག་ཆགས་གནས་པ་མེད།། ད་ལྟའི་ཡིད་ལས་བཟློག་པ་ཡིས།། དེ་ལ
263b5 དེར་འཛིན་དམིགས་པ་མེད།། མ་འོངས་ཆ་ལས་བཟློག་པ་ཡིས།། ཐ་མལ་བཏང་སྙོམས་མུན་པ་མེད།། བཟློག་ཐབས་གསུམ་གྱིས་ཉམས་བླངས་པའོ།། མེད་པ་གསུམ་གྱིས་རྒྱས་གདབ་པ།། གཞི་ནི་སྐྱེ་བ་མེད་པ
263b6 ཡིན།། ཡིད་རིག་དྲན་སེམས་འགྱུ་བ་མེད།། སྣང་སྲིད་ཆོས་རྣམས་དབྱེ་བསལ་མེད།། ཆོས་རྣམས་ཀུན་ལ་དེ་རྒྱས་གདབ།། ཀ་དག་ཡེ་ཤེས་སྣང་གསལ་ཆེ།། སངས་རྒྱས་ཀུན་གྱི་མངོན་གསུམ་པ།། འགྲོ་བའི་མ་རིག
iiif viewer powered by OpenSeadragon
