| e-texts navigator |
| Wylie |
262b1 ཕྱོགས་ལས་གྲོལ།། གདོད་ནས་རྣམ་དག་ཆོས་ཀྱི་སྐུ།། བསྒོམ་དུ་མེད་དེ་ཡེ་སངས་རྒྱས།། བྱུང་ཚོར་རྒྱུ་མེད་བསམ་དང་བྲལ།། བདེ་ཆེན་ཀློང་བརྡལ་འཛིན་པ་བརླག། ཡིད་ལ་མི་བྱེད་སྣང་བ་དག། མ་བཙལ་མ
262b2 བཅོས་རང་བྱུང་བས།། ངང་དངས་བསམ་བྲལ་བློ་ལས་འདས།། སྣ་ཚོགས་བློ་བྲལ་རྒྱལ་བའི་ཐུགས།། རང་བྱུང་རང་དངས་སྤྲོས་གཅོད་ལ།། བྱ་བཙལ་རྩོལ་བསྒྲུབ་མཐའ་ལས་འདས།། དཔེར་ན་ཧ་ལ་ནག་པོའི
262b3 དུག། དུག་ཏུ་ངོ་ཤེས་ཟ་མི་སྲིད།། སྔགས་ལྡན་ཟོས་ཀྱང་སྨན་དུ་འགྱུར།། དེ་བཞིན་འཁྲུལ་སྣང་འཁོར་བ་ཡང་།། རྟོགས་ལྡན་མི་འཆིང་གྲོགས་སུ་འགྱུར།། དབང་པོ་ཡང་རབ་གཅོད་ལུགས་སོ།། དབང་པོ་འབྲིང་གི
262b4 གང་ཟག་ལ།། དུས་གསུམ་དག་ཏུ་ངོས་བཟུང་ལ།། འཕྲང་གསུམ་ནང་དུ་ནན་བོར་ཏེ།། མཚན་ཉིད་གསུམ་གྱིས་རྒྱས་གདབ་པ།། བཅོ་བརྒྱད་དོན་གྱི་མན་ངག་ཡིན།། ཐེ་ཚོམ་མེད་པས་དོན་གསུམ་བློས།། དུས
262b5 གསུམ་ཀུན་ཏུ་ཕུང་པོ་ལྔ།། དོན་ཀུན་ཡེ་ནས་དག་ཤེས་པས།། དངོས་པོ་ཀུན་གྱི་དོན་སངས་ཤིང་།། འདས་དང་མ་འོངས་ད་ལྟའི་དུས།། སེམས་དང་སེམས་བྱུང་ཆོས་སྐུར་ཤེས།། དེ་ཡིས
262b6 བདེ་སྡུག་མཐའ་སེལ་བས།། ཆགས་བྲལ་ཕྱི་ནང་ཡུལ་སེམས་མེད།། སྡུག་བསྔལ་གསུམ་པོ་མ་ལུས་ཞི།། ཉོན་མོངས་མ་ལུས་རང་སར་དངས།། སྣང་བ་གསུམ་སེལ་གྲོལ་གསུམ་རྟོགས།། ང་བདག་འཛིན་པའི་རྩ་བ
iiif viewer powered by OpenSeadragon
