| e-texts navigator |
| Wylie |
261b1 གོས་སུ་གྱོན་ལ་གསུམ།། ཕྱི་ཡི་ཉི་ཟླ་བསྟན་པ་ནི།། སྣང་གསལ་འོད་ཀྱི་དཀྱིལ་འཁོར་དུ།། སེམས་ཉིད་གསལ་དངས་ཉི་ཟླ་ཤར།། དགག་བསྒྲུབ་རིས་མེད་གོས་སུ་གྱོན།། ནང་གི་ཉི་ཟླ་བསྟན་པ་ནི།། འགག་མེད
261b2 རང་རྩལ་དཀྱིལ་འཁོར་དུ།། མུ་མེད་ངང་དངས་ཉི་ཟླ་ཤར།། བླང་དོར་འཛིན་མེད་གོས་སུ་གྱོན།། གསང་བའི་ཉི་ཟླ་བསྟན་པ་ནི།། སྙིང་པོ་ཀ་དག་དཀྱིལ་འཁོར་དུ།། བླ་མེད་སྤྱི་ཏིའི་ཉི་ཟླ་ཤར།། ཕྱོགས་ལྷུང་མེད
261b3 པར་གོས་སུ་གྱོན།། འབད་རྩོལ་ཆོས་ཀུན་ཆུར་འབོ་བ།། ཕྱི་ཡི་ཡུལ་ལ་འབད་རྩོལ་ནི།། རྒྱུ་ཡི་ཐེགས་པའི་སྒོར་ཞུགས་ནས།། ས་ལམ་སྦྱངས་བགྲོད་བྱེད་པ་ནི།། བགྲོད་མེད་རྣམ་གྲོལ་དབྱིངས་སུ་འབོ།། ནང
261b4 ལྟར་ལུས་ངག་ཡིད་རྩོལ་ནི།། གསང་སྔགས་ཐེག་པའི་དཀྱིལ་འཁོར་དང་།། ལྟ་སྤྱོད་དབང་དང་བསྙེན་བསྒྲུབ་སོགས།། ཡེ་ཡིན་བསྒྲུབ་མེད་ཀློང་དུ་འབོ།། གསང་བ་སེམས་ལ་འབད་རྩོལ་ནི།། བློས་བྱས་ལྟ
261b5 སྒོམ་སྤྱོད་འབྲས་ཏེ།། མིང་མེད་ཆོས་འདས་དང་དུ་འཕོ།། ཕྱི་ནང་གྲུབ་མཐའ་གོ་ལྡོག་པ།། གང་ཡང་བཟང་ངན་འབྱེད་མེད་པས།། བླ་མེད་དཀོན་མཆོག་གསུམ་པོ་བཀུར།། དགེ་སྡིག་གང་ལ་མ་སྤྱད
261b6 པས།། ཆོས་སྤྱོད་དགེ་སྦྱོར་མ་ལུས་རྫོགས།། མཇུག་སྒོ་གར་ཡང་མ་ཞུགས་པས།། དབང་རྣམས་མ་ལུས་དུས་གཅིག་ཐོབ།། མཚོན་པ་ཅིར་ཡང་མ་བརྗོད་པས།། གྲུབ་མཐའི་ཐོས་པ་མ་ལུས་རྫོགས།། བྱ་བ་གང་ཡང
iiif viewer powered by OpenSeadragon
