| e-texts navigator |
| Wylie |
260a1 ཚོགས་རྣམ་རིག་གཟུགས་དོན་ཅན།། དངོས་པོའི་དོན་རྣམས་ཀུན་ལ་ཆགས།། སེམས་ཅན་ཀུན་གྱི་ཡིད་མགྱོགས་པས།། ཁམས་གསུམ་ཀུན་གྱི་ཡིད་ལ་འཇུག། ཕུང་པོ་ལྔ་པོ་ཀུན་ལ་རྟོག། སྲིད་པའི་དྲ
260a2 པབར་འཐུམས་པ་ཡིས།། མ་རིག་སྒོ་ལྔའི་སྦུབས་སུ་ཆུད།། གཉིས་འཛིན་གཟུགས་བརྙན་མ་ལུས་འཆར།། དངོས་པོ་ཀུན་ལ་གཟུང་འཛིན་པས།། སྲིད་རྩའི་ཡན་ལག་བཅུ་གཉིས་སྟོན།། རྣམ་ཤེས་ཚོགས་བརྒྱད་ཆགས
260a3 སྡང་བས།། ཉོན་མོངས་ཉེ་བའི་ཉོན་མོངས་དྲུག། ཁམས་གསུམ་འཁོར་བའི་གནས་སུ་འཁྱམས།། མ་གྲུབ་བཞིན་དུ་འཁྲུལ་སྣང་བའི།། སྡུག་བསྔལ་བརྒྱད་ཁྲི་བཞི་སྟོང་མྱོང་།། ཞེས་གསུངས་སོ།། བདུད་བརྩི་བཅུད
260a4 འདུས་སྒྲོན་མ་བརྩེགས་པའི་རྒྱུད་ལས། གནས་ལུགས་མ་རྟོགས་འཁྲུལ་པར་བསྟན་པའི་ལེའུ་སྟེ་བཞི་པའོ།། །། དེ་ནས་ངང་དངས་ཁྱེའུ་ཆུང་གིས།། ཀུན་བཟང་ཉིད་ལ་འདི་སྐད་ཞུས།། འདུག་ཚུལ་མ་རྟོགས
260a5 འཁྲུལ་པ་དེའི།། འཁྲུལ་གཞི་རྩད་ནས་ཇི་ལྟར་གཅད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དངོས་པོ་གཤིས་ཀྱི་གནས་ལུགས་ལ།། འཁྲུལ་དང་མ་འཁྲུལ་མིང་མེད་དེ།། གཉིས་འཛིན་བློ་ལ
260a6 འཁྲུལ་པ་བྱུང་།། མ་རྟོགས་རིགས་དྲུག་འཁྲུལ་བཅས་པ།། རབ་འབྲིང་ཐ་མ་གསུམ་དུ་བཤད།། སྐལ་ལྡན་རབ་ཀྱི་ཡང་རབ་ལ།། འཁྲུལ་པ་རྩད་གཅོད་མི་དགོས་ཏེ།། འཁྲུལ་པར་ཤེས་པས་སྣང་བ་ལྡོག། ཀ་དག
iiif viewer powered by OpenSeadragon
