| e-texts navigator |
| Wylie |
25b1 མེད་པར།། བཀའ་ལ་གཟུ་ལུམས་བྱེད་ཅིང་ནན་བརྟགས་ཀྱིས།། བློས་བྱས་ཚིག་ཙམ་མང་དུ་སྨྲ་བྱེད་ཅིང་།། དོན་མེད་ང་རྒྱལ་དྲེགས་པའི་མཁས་འདོད་པས།། རང་གི་ལྟ་བ་ཡ་རབས་མཐོ་བཞེད་ནས།། ཚིག་ལ
25b2 མཉམ་སྦྱོར་མཁས་པའི་ཟླ་མེད་ཀྱང་།། དམ་ཚིག་འཆལ་པོར་བྱང་ཆུབ་སེམས་སྤངས་ནས།། ལོག་འདྲེན་ཁོང་གསོག་བདེན་ཚིག་ཅི་སྤྲས་ཀྱང་།། འཁྲུལ་པའི་སེམས་ཉིད་ལོག་འདྲེན་དབང་དུ་འགྱུར།། གནམ་ལྕགས
25b3 མཁའ་ལས་འདམ་དུ་བྱིང་བ་བཞིན།། དམྱལ་བར་གཏན་དུ་ངེས་འགྲོ་སྙིང་རེ་རྗེ།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། གསང་བའི་གསང་སྔགས་ལྟ་བའི་སྒོར་ཞུགས་ནས།། ཡང་དག་ཆོས་ཉིད་དོན་ལ་མི
25b4 འདུད་པར།། མི་ཆོས་ལུས་ངག་གཡེང་བའི་ལས་བྱེད་པ།། རི་བོས་སྲོག་ཆགས་ཆུང་ངུ་མནན་པ་ལྟར།། མི་ཤེས་རང་གི་ཆོས་སྙེམས་བྱེད་པ་དེ།། ནམ་ཡང་སངས་རྒྱས་ཐར་པ་ཐོབ་མི་སྲིད།། དེ་ཡང་རྡོ་རྗེ་སེམས
25b5 དཔའ་ད་ཉོན་ཅིག། རྒྱ་མཚོའི་འཇིང་གི་ཕ་བོང་དཀྱིལ་བསྐམ་ལྟར།། ཐེག་པ་འོག་མའི་སྡེ་སྣོད་ཆོས་མཉན་ཀྱང་།། ཡང་དག་དོན་གྱི་ལྟ་བའི་གདེང་མེད་པར།། དམ་ཚིག་ལུང་ལས་ཆོས་ཀྱི་ཁུངས་ཕྱུང་ནས།། བྱར
25b6 མེད་ཆོས་ཀྱིས་ང་རྒྱལ་བློ་སྐྱེས་ནས།། ལུས་ངག་རྩིང་ཆོས་པད་དྲལ་སྤྱོད་བྱེད་ལ།། སངས་རྒྱས་བཀས་ཀྱང་འཁོར་བར་མི་སྐྱོ་བས།། སྡུག་བསྔལ་ཡ་ངའི་འབྲས་བུར་ཐེ་ཚོམ་མེད།། ལྟ་བ་ཉམས་པའི་ཉེས་སྐྱོན་ཆེན་པོ
iiif viewer powered by OpenSeadragon
