| e-texts navigator |
| Wylie |
259b1 བརླག། ལུས་དང་སྐུ་ཡི་མུ་མཐའ་སངས།། སྣང་དང་སྟོང་པ་གཉིས་ཀ་དངས།། གཉིས་མེད་འཛིན་པའི་རྒྱ་མ་ཆད།། འཁོར་འདས་བདག་གཞན་ལ་སོགས་པའི།། གཉིས་འཛིན་རྟོག་པ་མ་ལུས་ཀུན།། དབྱེར་མེད
259b2 ཤེས་རབ་ཡེ་ཤེས་མེ།། རྒྱུ་རྐྱེན་མེད་པར་རང་འབར་བས།། སྤང་ཐོབ་དགག་བསྒྲུབ་ཀུན་ལས་འདས།། རྣམ་རྟོག་ཆོས་ཉིད་གཉིས་ཀ་དངས།། གཉིས་མེད་འཛིན་པའི་རྒྱར་མ་ཆད།། དེ་ལྟར་གཅིག་གིས་གཅིག
259b3 བཀྲོལ་བས།། མུ་མཐའ་མ་ལུས་རང་སར་གྲོལ།། གྲོལ་དང་མ་གྲོལ་གཉིས་ལས་འདས།། དམ་པ་དང་པོར་ཡེ་སངས་རྒྱས།། ངོ་བོ་རང་བཞིན་ཐུགས་རྗེ་ལས།། ཀ་དག་ལྷུན་གྲུབ་ཀུན་ཁྱབ་གསུམ།། དང་པོར་སྐུ
259b4 གསུམ་མཆོག་གི་ས།། གསལ་དག་ཡེ་ཤེས་འཆར་སྒོ་ཡིན།། འདུག་ཚུལ་མ་རྟོགས་འཁྲུལ་པ་ཡང་།། གཞི་ཡི་རྩལ་ལས་ཟེར་གཡོས་པས།། མཁའ་ལ་མཛའ་ལྟར་ཡུལ་དུ་ཆད།། རང་བཞིན་རང་ངོར་མ་ཐིམ
259b5 པས།། འོད་ལས་ཟེར་ཤར་ཤེས་པར་རིག། ཡེ་དོན་མ་ཤེས་གཉིས་འཛིན་ཞུགས།། གནས་ལུགས་མ་རྟོགས་ས་མ་ཟིན།། རིག་པའི་སྙིང་པོ་མ་རྟོགས་རྒྱུ།། རིག་པ་ཡིད་དང་སེམས་གསུམ་ལ།། རང་ས་མ་ཟིན་འཁོར
259b6 ལོ་གསུམ།། འགྱུ་བ་རླུང་གིས་རྒྱུ་བྱས་ནས།། སྒྲིབ་གཡོགས་མུན་པས་པར་བཅད་དེ།། འབྲས་བུ་མུན་པའི་འཁོར་སྒོར་ཆུད།། སྣ་ཚོགས་གཟུགས་ཅན་སེམས་ཅན་རྣམས།། གཅིག་འཛིན་འགྱུ་བའི་ཡིད་ལས་སྐྱེས། སྣ
iiif viewer powered by OpenSeadragon
