| e-texts navigator |
| Wylie |
259a1 ཀྱི།། མུ་མཐའི་ཚོགས་ལས་གཏན་གྲོལ་བས།། ཡེ་གྲོལ་ཆོས་ལས་འདས་པ་ལས།། རྒྱ་ཆད་མེད་པའི་ངོ་བོར་གནས།། ས་གསེར་བང་མཛོད་རྒྱ་མཚོ་བཞིན།། དངོས་པོ་གཤིས་ཀྱི་མཐུན་དཔེའོ།། ཞེས
259a2 གསུངས་སོ།། སྒྲོན་མ་བརྩེགས་པའི་རྒྱུད་ལས། དངོས་པོ་གཤིས་ཀྱི་འདུག་ཚུལ་བསྟན་པའི་ལེའུ་སྟེ་གསུམ་པའོ།། །། དེ་ནས་ངང་དངས་ཁྱེའུ་ཆུང་གིས།། ཡེ་ཐོག་རང་བཞིན་ཀུན་བཟང་ལ།། འདུག་ཚུལ་མ
259a3 རྟོགས་ཇི་ལྟར་འཁྲུལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གནས་ལུགས་མ་རྟོགས་འཁོར་བ་བཤད།། འཁོར་རྣམས་མ་ཡེངས་གུས་པར་ཉོན།། མཁའ་ཀློང་རྣམ་དག་ཕོ་བྲང་ན།། གཞི་ཡི་རང
259a4 བཞིན་མཉམ་པའི་ངང་།། དེ་ནས་ཀུན་འབྱུང་མཛོད་པོ་ཆེ།། ཐོག་མར་ཡེ་ཤེས་འཆར་སྒོ་ནི།། མཁའ་ལས་བྱུང་བའི་ཆོ་འཕྲུལ་ལྟར།། དབྱིངས་ནས་རང་བྱུང་དབྱིངས་ལ་གནས།། ནམ་མཁའི་ངང་ནས་སྟོང་ཉིད
259a5 སྒྲ།། མཚུངས་མེད་རྒྱ་ཆེ་ཟབ་དོན་སྒྲོགས།། བརྒྱད་ཁྲི་བཞི་སྟོང་ལ་སོགས་པ།། ཚིག་ཏུ་བརྗོད་པ་མ་ལུས་པ།། དབྱིངས་ལས་གྲག་སྟོང་དབྱིངས་སུ་དངས།། ཚིག་ཏུ་བརྗོད་པའི་མཐའ་ལས་འདས།། བརྗོད་དང་མ
259a6 བརྗོད་གཉིས་ཀ་དང་།། གཉིས་མེད་འཛིན་པའི་རྒྱ་མ་ཆད།། ཁམས་གསུམ་ལ་སོགས་མ་ལུས་པའི།། མཚན་མའི་ཡུལ་ལས་རྣམ་གྲོལ་བས།། སྣང་སྟོང་གཟུང་འཛིན་ཕྱོགས་མ་ཆད།། ཕྱི་གྲོལ་ནང་དག་འཛིན་པ
iiif viewer powered by OpenSeadragon
