| e-texts navigator |
| Wylie |
258a1 བཀའ་སྩལ་པ།། འཁོར་ནས་ངང་དངས་ཁྱེའུ་ཆུང་ཉོན།། དངོས་པོ་གཉིས་ཀྱི་འདུག་ཚུལ་དེ།། མཚོན་བརྗོད་ཚིག་གིས་མི་ཕེབས་ཀྱང་།། དཔལ་གྱི་མགུར་གྱི་སྒྲོན་མ་ཡིས།། འཁོར་རྣམས་ཀུན་ལ
258a2 གསལ་བར་བཤད།། གནས་ལུགས་གཤིས་ཀྱི་འདུག་ཚུལ་ནི།། ཡོད་མེད་སྟོང་དང་མི་སྟོང་དང་།། མཚོན་བརྗོད་ཚིག་གིས་མཚོན་ལས་འདས།། སྐྱེ་འགག་གཉིས་མེད་ཐ་སྙད་གྲོལ།། སངས་མེད་རྒྱས་མེད་སྐུ་དངོས
258a3 མེད།། བྱང་ཆུབ་སེམས་མེད་རིགས་ལྔ་མེད།། བདེ་སྡུག་འཁོར་དང་མྱང་འདས་མེད།། རིག་འགྲུ་སེམས་མེད་དྲན་རྟོག་མེད།། ང་གཞན་ཕྱོགས་མེད་དགྲར་གཉེན་མེད།། ཡུལ་སེམས་བཟང་ངན་སྤང་ལེན་མེད།། ཡིན
258a4 མིན་དབྱེ་བསལ་ཕྱོགས་མཚམས་མེད།། ཤེས་འཁྲུལ་སྒོ་གཉིས་རང་བཞིན་མེད།། གཞི་ཡི་རང་བཞིན་ཡོད་མེད་མཉམ།། ཚོགས་བརྒྱད་ཡུལ་དུ་མ་གྱུར་པས།། རྒྱ་ཆད་ཕྱོགས་ལྷུང་ཀུན་ལས་གྲོལ།། གཉིས་འཛིན
258a5 ཁོར་འདས་ཀ་ནས་དག། འཁོར་འདས་ཕྱོགས་མེད་ལྷུན་གྱིས་གྲུབ།། གང་ཡང་མ་འགགས་འདི་ཡིན་མེད།། ཐོག་མ་རྒྱུ་ཡིས་མ་བསྐྱེད་པས།། མཐའ་བྲལ་དབྱིངས་ཀྱི་ནམ་མཁའ་འདྲ།། བར་དུ་རྫས་མེད་འདུས་མ
258a6 བྱས།། ཉི་མར་འོད་འཕྲོའི་འོད་ཟེར་འདྲ།། ཐ་མར་རྐྱེན་གྱིས་འཇིག་བྲལ་མེད།། གཉིས་མེད་མཁའ་ལྟར་མཉམ་ཉིད་གནས།། ངོ་བོ་སྟོང་པའི་རྩལ་དང་བྲལ།། འདི་ཞེས་ཅིས་ཀྱང་བསྟན་དུ་མེད།། མ་བསྒྲིབས་མཚོན
iiif viewer powered by OpenSeadragon
