| e-texts navigator |
| Wylie |
257b1 ཞུས་པ།། དངོས་པོ་གཤིས་ཀྱི་འདུག་ཚུལ་ཇི་ལྟར་ལགས།། འདུག་ཚུལ་མ་རྟོགས་འགྲོ་དྲུག་ཇི་ལྟར་ལགས།། འཁོར་བ་རྩད་ནས་ཇི་ལྟར་བཅད།། རྟོགས་ཐབས་གང་གིས་ཇི་ལྟར་རྟོགས།། རྟོགས་ན་འབྲས་བུ་ཇི
257b2 ལྟར་ཐོབ་པར་འགྱུར།། ཐོབ་ནས་མི་འགྱུར་བརྟན་པ་ཇི་ལྟར་ཐོབ།། འོག་མ་རྣམས་ལ་སྐྱོན་ནི་ཅི་ཞིག་མཆིས།། རིམ་པ་དགུ་ལས་སྤྱི་ཏི་གང་གིས་འཕགས།། མ་བསྐུར་དབང་དང་ཕྱོགས་བྲལ་དཀྱིལ་འཁོར
257b3 གང་།། ཕྲིན་ལས་སྤྱན་དྲངས་ལྷ་ཚོགས་མཆོད་བསྟོད་གང་།། དངོས་གྲུབ་དམ་ཚིག་སྨོན་ལམ་ཇི་ལྟར་ལགས།། ཐམས་ཅད་མ་འདྲེས་ཡོངས་སུ་ཇི་ལྟར་རྫོགས།། མ་བྱས་རང་བྱུང་བྱར་མེད་བཤད་མེད་གང་།། མཚོན
257b4 མེད་བློ་འདས་ཐེག་པ་ཇི་ལྟར་གསུངས།། གཅིག་ཤེས་ཀུན་གྲོལ་ཆོས་ཤིག་ཇི་ལྟར་ལགས།། གནད་གཅིག་ཤེས་པས་གནད་ཀུན་ཇི་ལྟར་ཁྲོལ།། གཅིག་བརྡའ་ཀུན་བརྡའ་ཇི་ལྟར་ཤེས་པར་བྱ།། བདག་ཅག་རྣམས
257b5 ལ་ཟབ་པར་བཀའ་སྩོལ་ཅིག། ཅེས་ཞུས་སོ།། སྒྲོན་མ་བརྩེགས་པའི་རྒྱུད་ལས། འཁོར་གྱིས་གླེང་སློང་བའི་ལེའུ་སྟེ་གཉིས་པའོ།། ། དེ་ནས་ངང་དངས་ཁྱེའུ་ཆུང་གིས།། དམ་པ་དང་པོའི་སངས་རྒྱས
257b6 ལ།། དངོས་པོ་གཤིས་ཀྱི་གནས་ལུགས་གང་།། ཞེས་ཞུས་པ་དང་། དེ་ནས་དམ་པ་དང་པོའི་སངས་རྒྱས་དེ།། སྣ་ཚོགས་ཀློང་འོད་གསལ་འབར་བའི་ཏིང་ངེ་འཛིན་ལ་སྙོམས་པར་བཞུགས་སོ།། དེ་ལས་བཞེངས་ནས
iiif viewer powered by OpenSeadragon
