| e-texts navigator |
| Wylie |
257a1 སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། བྱར་མེད་བློ་འདས་ཆོས་ཤིག་བཤད།། འཁོར་རྣམས་མ་ཡེངས་གུས་པས་ཉོན།། སྙིང་པོའི་རང་བཞིན་སྐྱེ་འགག་གཉིས་མེད་ཀྱང་།། རང་བྱུང
257a2 རྩལ་གྱི་ཤེས་པ་བུ་ལ་བཤད།། ཆོས་ཉིད་བཅུད་འདུས་མཚོན་དུ་མེད་པ་ལ།། བདུད་རྩིའི་མན་ངག་སྒྲོན་མ་བརྩེགས་པ་བཤད།། བཤད་པའི་ཆོས་ནི་ཐ་སྙད་ཡིན།། མཚོན་དུ་མེད་པའི་ཆོས་ཤིག་བཤད།། བྱས་པའི
257a3 ཆོས་ནི་འདུས་བྱས་ཡིན།། མ་བྱས་རང་བྱུང་ཆོས་ཤིག་བཤད།། བྱ་རྩོལ་ཆོས་ནི་རྩོལ་བསྒྲུབ་ཡིན།། བྱར་མེད་རྩོལ་བསྒྲུབ་བྲལ་བས་ཆོས་ཤིག་དགོས།། བློས་བཏགས་ཆོས་ལ་མཐར་ཐུག་མེད།། བློ་འདས
257a4 མཐར་ཐུག་ཆོས་ཤིག་བཤད།། བསྒྲུབ་པའི་ཆོས་ནི་རེ་དོགས་ཡིད་སྨོན་ཡིན།། ཡེ་ཡིན་རང་སར་གནས་པའི་ཆོས་ཤིག་བཤད།། ཟད་སར་ཟད་ལ་ཐུག་པའི་ཐུག་པར་བཤད།། གཅིག་ཤེས་ཀུན་གྲོལ་ཆོས་ཤིག་ང
257a5 ཡིས་བཤད།། བརྡའ་གཅིག་བརྡའ་ཀུན་གྲོལ་བའི་ཆོས་ཤིག་བཤད།། གནད་གཅིག་གནད་ཀུན་གྲོལ་བའི་ཆོས་ཤིག་བཤད།། བློ་ཟད་ཐོག་མའི་སར་སྒྲིབས་ཆོས་ཤིག་བཤད།། བྱ་བྲལ་ཡེ་བཞག་སྙིང་པོའི་ཆོས་ཤིག
257a6 བཤད།། ཅེས་གསུངས་སོ།། བདུད་རྩི་བཅུད་བསྡུས་སྒྲོན་མ་བརྩེགས་པའི་རྒྱུད་ལས། ཕུན་སུམ་ཚོགས་པ་དང་གླེང་གཞིའི་ལེའུ་སྟེ་དང་པོའོ།། །། དེ་ནས་ངང་དངས་ཁྱེའུ་ཆུང་གིས།། ཡེ་ཐོག་སངས་རྒྱས་ལ
iiif viewer powered by OpenSeadragon
