| e-texts navigator |
| Wylie |
256b1 རང་བཞིན་ཀུན་ཏུ་བཟང་པོ་བཞུགས་སོ།། དེའི་ཚེ་སྨིན་པ་ཆེན་པོའི་འཁོར་ཡང་འདི་ལྟ་སྟེ། རང་རྩལ་འོད་གསལ་གྱི་འཁོར་དང་། རང་དངས་རྣམ་དག་གི་འཁོར་དང་། རང་དངས་རང་གསལ་གྱི་འཁོར་དང་། རང
256b2 བྱུང་རང་བརླག་དབྱེར་མེད་པའི་འཁོར་རོ།། གཞན་ཡང་རྩལ་སྣང་ཟེར་གྱི་འཁོར་དང་། འོད་གསལ་ཀུན་ཁྱབ་ཀྱི་འཁོར་དང་། ཡན་ལག་བུའི་འཁོར་དང་། མཚན་ཉིད་རིག་པའི་འཁོར་དང་། འགྱུ་བ་ཡིད་ཀྱི་འཁོར
256b3 དང་། གསལ་བ་སེམས་ཀྱི་འཁོར་དང་། ཉིད་ཀྱི་རང་བཞིན་གྱི་འཁོར་དང་། རང་བྱུང་སྤྲོས་གཅོད་ཀྱི་འཁོར་དང་། རང་སངས་རྣམ་དག་རང་བཞིན་རྟོགས་པའི་འཁོར་རོ།། འཁོར་ཕུན་སུམ་ཚོགས་པའོ།། འདས་དང
256b4 མ་འོངས་ད་ལྟར་གྱི།། དུས་གསུམ་གཅིག་སྟེ་ཁྱད་པར་མེད།། དུས་ཕུན་སུམ་ཚོགས་པའོ།། བསྟན་པའི་རྒྱལ་པོ་དགུ་རྩེ་བློ་འདས་གསུངས།། བྱར་མེད་ལྷུན་རྫོགས་བསྒྲུབ་མེད་འབྲས་བུའོ།། བསྟན་པ་ཕུན་སུམ
256b5 ཚོགས་པའོ།། དེའི་ཚེ་འཁོར་གྱི་ནང་ནས། ངང་དངས་ཁྱེའུ་ཆུང་སྟན་ལས་ལངས་ཏེ། ཕྱག་འཚལ་ནས་གུས་པས་འདི་སྐད་ཞུས་སོ།། དམ་པ་དང་པོའི་སངས་རྒྱས་ཀུན་བཟང་ཁྱེད་ལ། བཤད་མེད་བྱར་མེད་བློ
256b6 འདས་དོན།། བསྒྲུབ་ཏུ་མེད་པས་ཆོས་ཤིག་ཞུ།། ཞེས་ཞུས་པ་དང་། དེ་ནས་དམ་པ་མ་དང་པོའི་སངས་རྒྱས་དེ། རང་བཞིན་ཡོངས་རྫོགས་དབྱེར་མེད་བློ་འདས་སྤྲོས་བྲལ་མཚོན་མེད་ཀྱི་ཏིང་ངེ་འཛིན་ལ་བཞུགས
iiif viewer powered by OpenSeadragon
