| e-texts navigator |
| Wylie |
256a1 ཀྱང་འབོ།། དེ་བཞིན་ཐིག་ལེ་བཅུད་སྤུངས་ཀྱང་།། སྣོད་ངན་རྣམས་ལ་གཏེར་གྱུར་ན།། ཆོས་ཀྱང་འཆོལ་ལ་བཀའ་ཆད་འོང་།། ཞེས་གསུངས་སོ།། ཐིག་ལེ་ཡེ་ཤེས་བཅུད་སྤུངས་སྒྲོན་མ་འོད་འབར
256a2 བའི་རྒྱུད་ལས། རྒྱུད་གཏད་པའི་གནས་བསྟན་པའི་ལེའུ་སྟེ་བཅུ་བདུན་པའོ།། །། ཐིག་ལེ་ཡེ་ཤེས་བཅུད་སྤུངས་སྒྲོན་མ་འོད་འབར་བའི་རྒྱུད་རྫོགས་སོ།། །། ཨུ་རྒྱན་སློབ་དཔོན་པདྨ་འབྱུང་གནས
256a3 དང་། ལོཙྪ་བ་སྐ་བ་དཔལ་བརྩེགས་ཀྱིས་བསྒྱུར་ནས་རྒྱལ་པོ་ཁྲི་སྲོང་ལྡེའུ་བཙན་ལ་གདམས་པ། གཏེར་རྒྱ། སྦས་རྒྱ། གཏད་རྒྱ།། ། @#།། རྒྱ་གར་སྐད་དུ། ཨ་མྲྀ་ཏ་ར་ས་བིནྡ་དཱི་པ་ཀུ་ཊ
256a4 ཏནྟྲ། བོད་སྐད་དུ། བདུད་རྩི་བཅུད་ཐིགས་སྒྲོན་མ་བརྩེགས་པའི་རྒྱུད། ཐོག་མའི་སངས་རྒྱས་འོད་མི་འགྱུར་བ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། རིན་པོ་ཆེའི་གནས་ཀྱི་ཀློང་། ཆོས
256a5 ཉིད་ཀྱི་དབྱིངས། འོད་གསལ་གྱི་མཁའ། རང་བྱུང་གི་གནས། ཀུན་གཞིའི་ཕོ་བྲང་། འོད་གསལ་རྣམ་དག། བསམ་གྱིས་མི་ཁྱབ་པའི་དཀྱིལ་འཁོར། སྒྲིབ་པ་མེད་པར་རང་བཞིན་གྱིས་འོད་གསལ་བ། རྒྱ་གར་ཡང
256a6 མ་ཆད་པ། ཕྱོགས་གང་དུ་ཡང་མ་ལྟུང་བ། མཐའ་གང་ཡང་མ་རེག་པ། རིན་པོ་ཆེ་རྣམ་དག་འོད་གསལ། ངང་དངས་རང་གསལ་གྱི་ལྷ་ཁང་ན། དམ་པ་དང་པོའི་སངས་རྒྱས་དབྱེར་མེད་སྔོན་ཐོག་ཡེའི་སངས་རྒྱས།།
iiif viewer powered by OpenSeadragon
