| e-texts navigator |
| Wylie |
255b1 ལས། གདམས་པའི་གནད་མཆོག་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཀ་དག་ཆོས་སྐུ་ལ།། རྒྱུད་འདིའི་མཚན་ནི་ཇི་ལྟར་གཟུང་།། ཞེས་ཞུས་པས། སྟོན
255b2 པས་འཁོར་ལ་བཀའ་སྩལ་པ།། སྙིང་པོ་ཐིག་ལེ་བཅུད་སྤུངས་པས།། ཐིག་ལེ་ཡེ་ཤེས་བཅུད་སྤུངས་རྒྱུད།། མ་རིག་མུན་པ་སེལ་བའི་ཕྱིར།། བཅུད་སྤུངས་སྒྲོན་མའི་རྒྱུད་དུ་ཟུང་།། སྒྲིབ་གཡོགས་བག་ཆགས་སེལ
255b3 བས་ན།། སྒྲོན་མ་འབར་བའི་རྒྱུད་དུ་ཟུང་།། ཐེག་པ་དགུ་ལས་སྤགས་པའི་ཕྱིར།། དགུ་རྩེ་སྤྱི་རྗེའི་ཐེག་པར་ཟུང་།། སྣང་གསལ་འོད་གསལ་སྟོན་པའི་ཕྱིར།། སྒྲོན་མ་གསལ་ཁྱབ་རྒྱུད་དུ་ཟུང་།། སྙིང་པོ་ཐིག་ལེའི་དོན
255b4 བསྡུས་ཕྱིར།། ཡང་གསང་བཅུད་འདུས་རྒྱུད་དུ་ཟུང་།། ཞེས་གསུངས་སོ།། སྒྲོན་མ་འབར་བའི་རྒྱུད་ལས། མཚན་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་གསལ་དག་རིན་ཆེན་གྱིས་ཞུས
255b5 པ།། རྒྱུད་འདི་གང་ཟག་གང་ལ་གཏད།། ཅེས་ཞུས་པ་དང་། སྟོན་པས་གཏད་པའི་གནད་བརྟན་པ།། ལས་འཕྲོ་སྐལ་བར་ལྡན་པ་ནི།། རྒྱུད་བཟང་ཤེས་ཆེ་དམ་ཚིག་བསྲུང་།། རྣམ་སྨིན་ལ་འཛེམ་གཏོང་ཕོད
255b6 ཆེ།། གུས་ལྡན་གསང་ཐུབ་དྲང་ལ་བསྟན།། དེ་ལྟ་བུ་ལ་རྒྱུད་འདི་གཏད།། དཔེར་ན་སེང་གེའི་འོ་མ་ཡང་།། རིན་ཆེན་གསེར་ཟོར་བླུགས་པ་ལས།། སྣོད་ངན་ཕལ་དུ་བླུགས་གྱུར་ཀྱང་།། སྣོད་ཀྱང་ཆགས་ལ་བཅུད
iiif viewer powered by OpenSeadragon
