| e-texts navigator |
| Wylie |
254b1 ཡིན།། འབྲས་བུའི་རྒྱལ་པོ་དངོས་མེད་ཟང་ཀ་ཡིན།། སྨོན་ལམ་རྒྱལ་པོ་ཡིད་སྨོན་མེད་པ་ཡིན།། དགོངས་པའི་རྒྱལ་པོ་ཡིད་ལ་བྱར་མེད་ཡིན།། དགོངས་པའི་རྒྱལ་པོ་གཡོ་འགུལ་མེད་པ་ཡིན།། ཞེས་གསུངས
254b2 སོ།། དཀྱིལ་འཁོར་ལྷ་དབང་དམ་ཚིག་ཕྲིན་ལས་དངོས་གྲུབ་འབྲས་བུ་སྨོན་ལམ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཆོས་སྐུ་ལ་ཞུས
254b3 པ།། རྫོགས་ཆེན་སྤྱི་ཏི་ཡོ་ག་རུ།། སྣང་སྲིད་འཁོར་འདས་ཇི་ལྟར་རྫོགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོ་ཐིག་ལེ་ཀུན་གཞི་ཁྱབ་གདལ་དུ།། མ་བཀག་རྩལ་ཟེར་ཡན་ལག་བུ
254b4 རྣམས་རྫོགས།། ཡེ་ཐོག་ཁྱབ་གཞི་དངོས་གཞི་མཁའ་ཀློང་དུ།། སྣང་སྲིད་འཁོར་འདས་ཡོད་མེད་རྟག་ཆད་རྫོགས།། སྙིང་པོ་ཡན་ལག་དབྱེར་མེད་གནད་ཆེན་དུ།། ངོ་སྤྱོད་གདམས་ངག་བརྒྱད་ཁྲི་བཞི་སྟོང
254b5 རྫོགས།། ཐིག་ལེ་ཡེ་ཤེས་བཅུད་འདུས་གཉིས་མེད་དུ།། རྩད་གཅོད་རྟོགས་ལུགས་བརྒྱད་ཁྲི་བཞི་སྟོང་རྫོགས།། བྱ་བྲལ་བློ་འདས་མཚོན་མེད་བསམ་བྲལ་དུ།། དགོངས་པ་ཏིང་འཛིན་བརྒྱད་ཁྲི་བཞི་སྟོང
254b6 རྫོགས།། དངོས་མེད་ཀ་དག་མཚོན་མེད་རྣལ་མ་རུ།། འབྲས་བུ་གདོད་དག་ཆོས་སྐུ་མ་ལུས་རྫོགས།། དཀྱིལ་འཁོར་དབང་དམ་ཕྲིན་ལས་མ་ལུས་རྫོགས།། ལྷ་མཆོད་དངོས་གྲུབ་ཚོགས་གཏོར་སྨོན་ལམ
iiif viewer powered by OpenSeadragon
