| e-texts navigator |
| Wylie |
254a1 འདས་ཀུན་འབྱུང་མཁའ་ཀློང་ཡངས་པའི་གནས།། མ་བཅོས་གདོད་དག་ཀུན་གཞིའི་དཀྱིལ་འཁོར་ན།། མ་བསྐྱེད་གདོད་ནས་ཆོས་སྐུ་རྣལ་མ་བཞུགས།། དབྱེར་མེད་གཏི་མུག་རྣམ་པར་སྣང་མཛད
254a2 དང་།། གསལ་ལ་དག་པ་ཞེ་སྡང་རྡོ་རྗེ་དང་།། ང་རྒྱལ་མཉམ་ཉིད་ཡེ་ཤེས་རིན་ཆེན་དང་།། འདོད་ཆགས་ཞེན་པ་ཆོད་པ་པདྨ་དང་།། ཕྲག་དོག་རང་སར་གྲོལ་བ་དོན་གྲུབ་ལྔ།། དུག་ལྔ་མ་སྦྱངས་ཀ་དག་བསྐྱེད་རྫོགས
254a3 ལྷ།། སྤྱན་འདྲེན་ཕྱག་འཚལ་བསྙེན་བསྒྲུབ་ཚོགས་གཏོར་མེད།། དངོས་མེད་ཀ་དག་རང་ལ་ཡེ་གནས་པས།། རང་དབང་རང་ཐོབ་དབང་གི་རྒྱལ་པོ་ཡིན།། སྟོང་ཞིང་གསལ་ལ་དངོས་མེད་དངས་སང་ངོ་ངེ།། བྱ་བྲལ་བློ
254a4 ལས་འདས་པའི་དབང་ཐོབ་པས།། མ་བསྐུར་རང་ཆས་ཀ་ནས་དག་པ་ཐོབ།། བསྐུར་བྱ་སྐུར་བྱེད་རྫས་དང་བུམ་པ་མེད།། སྣ་ཚོགས་འུབ་འདུས་དབྱེ་བསལ་མེད་པའི་དབང་།། རྩིས་གདབ་གཉིས་མེད་ཆོས་སྐུ་རྣལ
254a5 ཐོབ།། ཐིག་ལེ་བཅུད་སྤུངས་ཡང་གསང་འདུས་པའི་དབང་།། སྣང་སྲིད་རྩལ་ཟེར་ཐོབ་བྱུང་ཐིག་ལེར་ཐིམ།། སྙིང་པོ་ཟེར་འཕྲད་དབྱེར་མེད་དབང་བསྐུར་རོ།། མ་ཕྱེད་མི་ཕྱེད་དབང་གི་རྒྱལ་པོ་ཐོབ།། དངོས་གྲུབ
254a6 ཀ་དག་ཡེ་གསལ་བློ་འདས་དེ།། དངོས་མེད་བསམ་བྲལ་རང་ལ་གྲུབ་པ་ལས།། ལྷ་ཡིས་གནང་ཞིང་གཞན་ནས་ཐོབ་པ་མེད།། ཕྲིན་ལས་རྒྱལ་པོ་བྱ་རྩོལ་མེད་པ་ཡིན།། དམ་ཚིག་རྒྱལ་པོ་གདོད་དག་སྐྱོན་བྲལ
iiif viewer powered by OpenSeadragon
