| e-texts navigator |
| Wylie |
253b1 བཞིན་འཕོ་འགྱུར་སྐྱེ་འགག་མེད།། ཐིག་ལེའི་རང་བཞིན་རྒྱུ་རྐྱེན་རྩོལ་བསྒྲུབ་མེད།། ཆོས་ཉིད་རང་བཞིན་སྒྲིབ་གཡོགས་དྲི་མ་མེད།། རྩལ་གྱི་རང་བཞིན་འགག་མེད་འཛིན་རྟོགས་མེད།། དངོས་མེད་ཀ་དག་མཚོན
253b2 དུ་མེད་ན་ཡང་།། རང་བྱུང་ཡེ་ཤེས་ཀ་དག་མཐོང་ཚུལ་བཤད།། ངང་དངས་གསལ་དག་ཐུགས་ལ་ཆོངས།། དགུ་རྩེ་སྤྱི་ཏིར་རྩོལ་བསྒྲུབ་མི་འཚལ་ཏེ།། བློས་བཅོས་བྱས་ཆོས་ཐམས་ཅད་སུན་ཕྱུང་ཞིག། བདེན་གཉིས
253b3 ཞེ་འདོད་ཐམས་ཅད་ལ་དོར་ཅིག། ཡེ་ནས་ལས་ཟིན་ད་གདོད་བྱ་མི་དགོས།། ཡེ་ནས་གསལ་བས་ལྟ་བས་བལྟ་མི་དགོས།། ཆགས་སྡང་ཡེ་གྲོལ་སངས་རྒྱས་བཤད་མི་དགོས།། དགོས་མེད་ཀ་དག་ཆེན་པོ་རང་ལས
253b4 གྲུབ།། རྩོལ་བསྒྲུབ་བསམ་པས་མི་འགྲུབ་རྟོགས་པས་འགྲུབ།། ཅེས་གསུངས་སོ།། བྱ་བཙལ་མ་བྱས་པར་དངོས་མེད་ཀ་དག་ཐོབ་པར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་གསལ
253b5 དག་རིན་ཆེན་གྱིས།། དངོས་མེད་ཀ་དག་ཀུན་བཟང་ལ།། གང་ཞུས་ལན་རྣམས་དེ་ལྟར་རྟོགས་ལགས་ན།། དཀྱིལ་འཁོར་ལྷ་དབང་ཕྲིན་ལས་དམ་ཚིག་དང་།། དངོས་གྲུབ་འབྲས་བུ་སྨོན་ལམ་ཇི་ལྟར་ལགས།། ཞེས
253b6 ཞུས་པ་དང་། ཀ་དག་སྟོན་པས་འཁོར་ལ་བཀའ་སྩལ་པ།། སྙིང་པོ་དངོས་མེད་མཚོན་ལས་འདས།། ཡན་ལག་ཡེ་ཤེས་གསལ་ཕྱིར་འཁོར་ལ་བཤད།། སེམས་ཉིད་ཁྱབ་གད་ལ་དཀྱིལ་འཁོར་ཆེན་པོ་ན།། འཁོར
iiif viewer powered by OpenSeadragon
