| e-texts navigator |
| Wylie |
253a1 རབ་འོག་བློ་ཅན་ལ།། ལྷ་སྒོམ་སྤྱོད་འབྲས་བཞི་རུ་བསྟན།། ཀ་དག་ལྟ་བ་བསམ་འདས་སྒོམ་པ་དང་།། རང་སངས་སྤྱོད་པ་གདོད་ནས་འབྲས་བུར་གྲུབ།། ཚིག་བྲལ་བློ་ལས་འདས་པས་ཞེ་འདོད
253a2 མེད།། ཀ་དག་ཕྱོགས་བྲལ་ལྟ་བའི་རྒྱལ་པོ་ཡིན།། སེང་གེ་རྩལ་རྫོགས་བྱ་རྒྱལ་ཁྱུང་དང་འདྲ།། དངོས་མེད་བློ་སྟོར་བསམ་བརླག་འཛིན་མེད་པོ།། གང་ལའང་མི་སེམས་མི་འགྱུ་བསྒོམ་པའི་རྒྱལ།། དཔེར་ན་ཉི་ཟླ་རྒྱ
253a3 མཚོ་ཤེལ་གོང་བཞིན།། རང་དངས་རང་སངས་རང་སར་གྲོལ་བ་ཡིས།། སྣ་ཚོགས་གང་ལའང་ཆགས་མེད་བྱ་བ་ཐོང་།། སྣང་སྲིད་དགྲ་གཉེན་དཀར་དམར་ཡུལ་རྣམས་ལ།། ཆགས་སྡང་མེད་པར་སྤྱོད་པའི་རྒྱལ་པོ
253a4 ཡིན།། གླང་ཆེན་སྨྱོན་པ་བུ་ཆུང་དཔེ་བཞིན་ནོ།། འཕོ་དང་འགྱུར་བ་མེད་པའི་ཀློང་ཡངས་ནས།། སྙིང་པོ་ཀ་དག་སྐྱེ་མེད་ཆོས་སྐུ་རྟོགས།། དངོས་མེད་ཀ་དག་བསམ་འདས་དགོངས་པ་འགྲུབ།། ཡེ་ཤེས་ཀློང་གྱུར
253a5 འབྲས་བུའི་རྒྱལ་པོ་ཡིན།། དཔེར་ན་རིན་ཆེན་རི་བོ་གསེར་བཞིན་ནོ།། ཞེས་གསུངས་སོ།། ལྷ་སྒོམ་སྤྱོད་འབྲས་བསྟན་པའི་ལེའུ་སྟེ་བཅུ་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཀ་དག
253a6 ཆོས་སྐུ་ལ།། བྱ་བཙལ་རྩོལ་བསྒྲུབ་མི་དགོས་པར།། དངོས་མེད་ཀ་དག་ཇི་ལྟར་འཐོབ།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོའི་རང་བཞིན་བཙལ་བྱ་རྩོལ་བསྒྲུབ་མེད།། གཞི་ཡི་རང
iiif viewer powered by OpenSeadragon
