| e-texts navigator |
| Wylie |
252b1 སེམས་ཙམ་འདོད་པ་མེད།། ཡིད་གཉིས་རྩད་གཅོད་བདེན་གཉིས་གཉིས་སྣང་མེད།། བྱང་སེམས་ཕར་ཕྱིན་བསླབ་པའི་བསྲུང་སྡོམ་མེད།། ཀ་དག་དངོས་མེད་ཟང་ཀ་འདི་ཡིན་པས།། ཁྲུས་དང་གཙང་སྒྲ་དུས
252b2 ཚིགས་མེད།། རང་རྒྱུད་དག་པའི་དཀྱིལ་འཁོར་ཆེན་པོ་ལ།། ཚུལ་ཁྲིམས་སྔགས་དང་ཕྱག་རྒྱ་སྐྱེ་འགག་མེད།། གཉིས་མེད་ཐིག་ལེ་ཆེན་པོའི་རང་བཞིན་ལས།། མར་སྤྱོད་ཡར་ལ་བལྟ་བའི་རྩེ་གཉིས
252b3 མེད།། ངང་དངས་རང་སངས་རང་སར་གྲོལ་བ་ཡིས།། ཏིང་འཛིན་རྣམ་གསུམ་བསྙེན་བསྒྲུབ་སྣང་སྟོང་མེད།། གང་ལ་མི་སེམས་སྣང་སྲིད་རང་གྲོལ་བས།། དབྱིངས་དང་ཡེ་ཤེས་གཉིས་ཀྱི་ཞེ་འདོད་མེད།། རང་བྱུང
252b4 གདོད་ནས་དངོས་མེད་ཟང་ཀ་བས།། རིག་པ་རང་རྒྱུད་སྣང་བ་ཆོས་སྐུའི་འདོད་པ་མེད།། ང་ཡི་སྐྱེ་མེད་ཀ་དག་ཆོས་སྐུ་ལ།། ཐེག་པ་རིམ་པ་བརྒྱད་ཀྱི་རྩོལ་བསྒྲུབ་མེད།། ཅེས་གསུངས་སོ།། ཐེག་པ་བརྒྱད་ཀྱི་རྩོལ
252b5 བསྒྲུབ་མི་དགོས་པར་བསྟན་པའི་ལེའུ་སྟེ་དགུ་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཀ་དག་ཆོས་སྐུ་ལ།། ལྷ་སྒོམ་སྤྱོད་པ་འབྲས་བུ་བཞི།། ཡང་རབ་རྣམས་ལ་དགོས་མི་དགོས།། ཞེས
252b6 ཞུས་པས། སྟོན་པས་འཁོར་ལ་བཀའ་སྩལ་པ།། ཡང་རབ་དབང་པོ་ཐོད་རྒལ་གྱིས།། ཐིག་ལེ་བཅུད་སྤུངས་གནད་གོ་ན།། ལོགས་ནས་འབྱུང་བའི་བལྟ་བསྒོམ་བཞི།། དགོས་པ་ཡོད་པར་མ་གསུངས་སོ།། འོན་ཀྱང
iiif viewer powered by OpenSeadragon
